Page Text
________________
१४६
महानिसीह-सुय-खंधं अ.
[१५] __ अहो महाइसयत्थ-पसाहगाओ मज्झं दइयाए वायाओ! भो भो जण्णयत्त-विण्यत्त-जन्नदेव-विस्सामित्तसुमिच्चादओ मज्झं अंगया, अब्भुट्ठाणारिहा ससुरासुरस्सा वि णं जगस्स एसा तुम्ह जणणि त्ति। भो भो पुरंदर-पभितीओ खंडियाओ वियारह णं सोवज्झाय-भारियाओ, जगत्तयाणंदाओ कसिण-किव्विसणिद्दहण-सीलाओ वायाओ। पसण्णोज्ज तुम्ह गुरू, आराहणेक्क-सीलाणं परमप्पं बलं, जजण-जायण-ज्झयणाइणा छक्कम्माभिसंगेणं तुरियं विणिज्जिणेह पंचेंदियाणि, परिच्चयह णं कोहाइए पावे, वियाणेह णं अमेज्झाइजंबाल-पंक-पडिपुण्णा असुती कलेवरे, पविसामो वणंतं ।
[१६] इच्चेवं अणेगेहिं वेरग्गजणणेहिंसुहासिएहिं वागरमाणं तं चोद्दस-विज्जा-ठाण-पारगंभोगोयमा! गोविंद-माहणं सोऊण अच्चंत-जम्म-जरा-मरण-भीरुणो बहवे सप्पुरिसे सव्वुत्तमं धम्मं विमरिसिउं समारद्धे । तत्थ केइ वयंति जहा ‘एस धम्मो पवरो' । अण्णे भणंति जहा ‘एस धम्मो पवरो । 'जाव णं सव्वेहिं पमाणीकया गोयमा! सा जातीसरा माहणि त्ति । ताहे तीए य संपवक्खायमहिंसोवक्खियमसंदिद्धं खंताइ-दस-विहं समण-धम्म दिटुंत-हेऊहिं च परमपच्चयं विणीयं तेसिंतु। तओ य ते तं माहणिं सव्वण्णूमिति काऊणंसुरइय-कर-कमलंजलिणो सम्मं पणमिऊणं गोयमा ! तीए माहणीए सद्धिं अर्दाणमाणसे बहवे नर-नारि-गणा चेच्चाणं सुहिय-जणमित्त-बंधु-परिवग्ग-गिह-विहव-सोक्खमप्प-कालियं निक्खंते सासय-सोक्ख-सुहाहिलासिणो सुनिच्छियमाणसे समणत्तेण सयल-गुणोह-धारिणो चोद्दस-पुव्वधरस्स चरिम-सरीरस्स णं गुणधर-थविरस्स णं सयासे त्ति । एवं च ते गोयमा ! अच्चंत-घोर-वीर-तव-संजमाणद्वाण-सज्झाय-झाणाईस णं असेस-कम्मक्खयं काऊणं तीए माहणीए सम्म विहुय-रय-मले सिद्धे गोविंदमाहणादओ णर-णारिगणे सव्वे वी महायसे त्ति बेमि ॥छ।।
[१७] ‘से भयवं ! किं पुण काऊणं एरिसा सुलह-बोही जाया सा सुगहियनामधेज्जा माहणी जीए एयावइयाणं भव्व-सत्ताणं अणंत-संसार-घोर-दुक्ख-संतत्ताणं सद्धम्म-देसणाईहिं तु सासय-सुह-पयाणपुव्वगमब्भुद्धरणं कयं? . ति । गोयमा ! जं पुव्विं सव्व-भाव-भावंतरंतरेहिं णं णीसल्ले आजम्मालोयणं दाऊणं सुद्धभावाए जहोवइ8 पायच्छित्तं कयं' ! पायच्छित्तसमत्तीए य समाहिए य कालंकाऊणं सोहम्मे कप्पे सुरिंदग्गमहिसी जाया तमणु-भावेणं। _ 'से भयवं ! किं से णं माहणी जीवे तब्भवंतरम्मि समणी निग्गंथी अहेसि ? जे णं णीसल्लमालोएत्ता णं जहोवइ8 पायच्छित्तं कयं ? ति। 'गोयमा! जे णं से माहणी जीवे से णं तज्जम्मे बहुलद्धिसिद्धी जुए महिड्डीयत्ते सयलगुणाहारभूए उत्तम-सीलाहिट्ठिय-तणू महातवस्सी जुगप्पहाणे समणे अणगारे गच्छाहिवई अहेसि णो णं समणी।
[१८] 'से भयवं! ता कयरेणं कम्म-विवागेणं तेणं गच्छाहिवइणा होऊणं पुणो इत्थित्तं समज्जियं ति' ? । 'गोयमा! माया पच्चएणं' __ से भयवं ! कयरेणं से माया पच्चए जे णंपयणू-कय-संसारे वि सयल-पावाययणा विबुह-जण-निदिए सुरहि-बहु-दव्व-घय-खंड-चुण्ण-सुसंकरिय-समभाव-पमाण-पाग-निप्फण्ण-मोयग-मल्लगे-इव-सव्वस्स भक्खे सयल-दुक्ख-केसाणिमालए सयल-सुह-साहणस्स परमपवित्तुमस्स णं अहिंसा-लक्खण-समण-धम्मस्स विग्घे, सग्गलानिरयदार-भूए, सयल-अयस-अकित्ती-कलंक-कलि-कलह-वेराइ-पाव-निहाणे, निम्मलकुलस्सणंदुद्धरिस-अकज्ज-कज्जल-कण्ह-मसी-खंपणे, तेणं गच्छाहिवइणा इत्थीभावे निव्वत्तिए त्ति। गोयमा! णो तेणं गच्छाहिवइत्ते ट्ठिएणं अणुमवि माया कया। से णं तया पुहईवई चक्कहरे भवित्ताणं परलोग-भीरूए
१ वागरंतं सं.। Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |