Page Text
________________
महानिसीह-सुय-खंधं
१४७
निविण्ण-काम-भोगे तणमिव परिचिच्चाणं तं तारिसं चोद्दस-रयण-नवनिहीतो, चोसट्ठी सहस्से वरजुवईणं, बत्तीसं साहस्सीओ अणावई वि वर-नरिद-छन्नउई गाम-कोडिओ जाव णं छ खंड-भरहवासस्स णं देविंदोवमं महाराय-लच्छीत्तीयं बहुपुण्ण-चोइए णीसंगे पव्वइए य थेवेणेव कालेणं सयल-गुणोहधारी महातवस्सी सुयहरे जाए। जोग्गे णाऊणं सगुरुहिं गच्छाहिवई समणुण्णाए, तहिं च गोयमा ! ते णं सुदिट्ठ-सुग्गई-पहेणं जहोवइ8 समण-धम्म समणुढेमाणेणं उग्गाभिग्गह-विहारत्ताए घोर-परिसहोवसग्गाहियासणेणं, राग-द्दोस-कसाय-विवज्ज- . णेणं, आगमाणुसारेणं तु विहीए गणपरिवालणेणं, आजम्मं समणी-कप्प-परिभोग-वज्जणेणं, छक्काय-समारंभविवज्जणेणं, इसि पि दिव्वोरालिय-मेहुण-परिणाम-विप्पमुक्केणं, इह-परलोगासंसाइणियाण-मायाइ-सल्लविप्पमुक्केणं, णीसल्लालोयण-निंदण-गरहणेणं, जहोवइट्ठपायछित्तकरणेणं, सव्वत्थापडिबद्धत्तेणं, सव्वपमायालंबणविप्पमुक्केण य णिदड-अवसेसीकए अणेगभवसंचिए कम्मरासी, अण्णभवे ते णं माया कया। तप्पच्चएण गोयमा ! एस विवागो
. [१९] ‘से भयवं ! कयरा उ ण अण्णभवे ते णं महाणुभागे णं माया कया जीए णं एरिसो दारुणो विवागो ? गोयमा ! तस्स णं महाणुभागस्स गच्छाहिवइणो जीवो अणूणाहिए लक्खे इमे भवग्गहणा सामण्ण-णरिदस्स णं इत्थित्ताए धूया अहेसि । अण्णया परिणीयाणंतरं मओ भत्ता । तओ नरवइणा भणिया जहा 'भद्दे ! एते तुझं पंच सए सुगामाणं देमु, जहिच्छाए अंधाणं, विगलाणं, अपंगमाणं, अणाहाणं, बहु-वाहि-वेयणा परिगय-सरीराणं, सव्व-लोय-परिभूयाणं दारिद्द-दुक्ख-दोहग्ग-कलंकियाणं जम्म-दारिद्दाणं, समणाणं, माहणाणं, विहलियाणंच संबंधि-बंधवाणं, जंजस्स इ8 भत्तं वा, पाणं वा, अच्छायणंवा, जावणंधण-धण्ण-सुवण्ण-हिरन्नं, वा कुणसु सयल-सोक्खदायगं संपुण्णं जीवदयं' ति । जेणं भवंतरेसुं पि ण होसि सयलजण-सुहप्पियागारिया' सव्व-परिभूया गंध-मल्ल-तंबोल-स-मालहणाइ-जहिच्छिय-भोगोपभोगवज्जिया हयासा दुजम्म-जाया निद्दडणामिया रंडा । ताहे गोयमा ! सा ‘तह' त्ति पडिवज्जिऊण पगलंतलोयणंसुजलणिद्धोयकवोल-देसा उसरसुंभसमण्णुघग्घरसरा भणिउमाढत्ता-'जहा णं ण याणिमो हं पभूयमालवित्ताणं, निग्गच्छावेह लहुं कट्टे, रएह महइ चियं, निद्देहेमि अत्ताणगंण किंचि मए जीवमाणीए पावाए, मा हं कहिंचि कम्म-परिणइवसेणं महापावित्थी चवल-सहावत्ताए एयस्स तुज्झमसरिसनामस्स निम्मल-जस-कित्ती-भरिय-भुवणोयरस्स णं कुलस्स खंपणं काहं, जेण मलिणी भवेज्जा सव्वमवि कुलं अम्हाणं ति । तओ गोयमा ! चिंतियं तेण णरवइणा जहा णं 'अहो धण्णो हं जस्स अपुत्तस्सा वि य एरिसा धूया, अहो विवेगं बालियाए, अहो बुद्धी, अहो पण्णा, अहो वेरग्गं, अहो कुल-कलंक-भीरुयत्तणं, अहो खणे खणे वंदणीया एसा । जीए एए महंते गुणा ता जाव णं मज्झ गेहे परिवसे एसा । ताव णं महामहंते मम सेए अहो दिट्ठाए संभरियाए संलावियाए चेव सुज्झीयए इमाए ता अपुत्तस्स णं मझं एसा चेव पुत्ततुल्ल' त्ति चिंतिऊणं भणिया गोयमा ! सा तेण नरवइणा जहा णं 'न एसो कुलक्कमो अम्हाणं वच्छे ! जं कट्ठारोहणं कीरई त्ति । ता तुमं सील-चारित्तं परिवालेमाणी दाणं देसु जहिच्छाए, कुणसु य पोसहोववासाइं, विसेसेणं तु जीवदयं, एयं रज्जं तुझं ति । ता णं गोयमा' ! जणगेणेवं भणिया ठिया सा । समप्पिया य कंचुईणं अंतेउररक्खपालाणं।
[२०] एवं च वच्चंतेणं कालसमएणं तओ णं कालगए से णरिदे । अण्णया संजुज्जिऊणं महामईहिं णं मंतीहिं कओ तीए बालाए रायाभिसेओ। एवं च गोयमा ! दियहे दियहे देह अत्थाणं । अह अण्णया तत्थ णं बह वंद-चट्ट-भट्ट-तडिग-कप्पडिग-चउर-वियक्खण-मंति-महंतगाइ-पुरिस-सय-संकुल-अत्थाणं-मंडव-मज्झम्मि सीहासणोवविट्ठाए कम्मपरिणइवसेणं सरागाहिलासाए चक्खुए निज्झाए तीए सव्वुत्तम-रूव-जोव्वण-लावण्ण
१ आणाइत्तवरनरिंद है. / अणादिवर. सं., अणाविवर खं। २ चत्त लज्जया। ३ मुहाप्पिय सा. / °ण सुयप्पिया ला.।
For Private & Personal Use Only
Jain Education International
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |