________________
महानिसीह-सुय-खंधं - -
१४५
णं भो एगागिएहिं चेव धीरत्ताए सुदुज्जए चाउरंग-बले, विंधेयव्वा णं भो परोप्पर- विवरीय-भमंत-अट्ठ-चक्कोवरि, वामच्छिम्मि उ धीउल्लिया, गहेयव्वा णं भो सयल-तिहुयण-विजया निम्मला जस-कित्ति-जय-पडागा।
[१३] ता भो भो जणा एयाओ धम्माणुट्ठाणाओ सुदुक्करं नत्थि किंचि मण्णं ति ।
बुज्झंति नाम भारा ते च्चिय उज्झंति वीसमंतेहिं। सील-भरो अइगरुओ जावज्जीवं अविस्सामो ॥१०१।। ता उज्झिऊण पेम्मं घरसारं पुत्त-दविणमाईयं । नीसंगा अविसाई पयरह सव्वुत्तमं धम्मं ॥१०२॥ नो धम्मस्स भडक्का उकंचण-वंचणा च ववहारो। णिच्छम्मो भो धम्मो मायादी-सल्ल-रहिओ हु॥१०३।। भूएसु जंगमत्तं, तेसु वि पंचेंदियत्तमुक्कोसं । तेसु वि य माणुसत्तं, मणुयत्ते आरिओ देसो ॥१०४।। देसे कुलं पहाणं, कुले पहाणे य जाई-मुक्कोसा। तीए रूव-समिद्धी, रूवे य बलं पहाणयरं ॥१०५॥ होइ बले चिय जीयं, जीए य पहाणयं तु विण्णाणं । विण्णाणे सम्मत्तं, सम्मत्ते सील-संपत्ती ॥१०६।। सीले खाइय-भावो, खाइय-भावे य केवलं गाणं । केवलिए पडिपुण्णे पत्ते अयरामरो मोक्खो ॥१०७।। ण य संसारम्मि सुहं जाइ-जरा-मरण-दुक्ख-गहियस्स । जीवस्स अत्थि जम्हा, तम्हा मोक्खो उवाओ उ ॥१०८।। आहिंडिऊण सुइरं अणंतहुत्तो हु जोणि-लक्खेसु। तस्साहण-सामग्गी पत्ता भो भो बहू इण्डिं ॥१०९|| ता एत्थ जंण पत्तं तदत्थ भो उज्जमं कुणह तुरियं । विबुह-जण-णिंदियमिणं उज्झह संसार-अणुबंधं ॥११०॥ लहिउं भी धम्मसुइं अणेग-भव-कोडि-लक्खेसु वि दुलहं । जइ णाणुट्ठह सम्मं ता पुणरवि दुल्लहं होही ॥१११।। लद्धेल्लियं च बोहिं जो णाणुढे अणागयं पत्थे । सो भो अण्णं बोहिं लहिही कयरेण मोल्लेण ? ॥११२।।
[१४] जाव णं पुव्व-जाइ-सरण-पच्चएणं सा माहणी इयं वागरेइ ताव णं गोयमा ! पडिबुद्धमसेसं पि बंधुयणं बहु-णागर-जणो य । एयावसरम्मि उ गोयमा ! भणियं सुविदिय-सोग्गइ-पहेणं तेणं गोविंदमाहणेणं जहा णं-'धि दिद्धि वंचिए एयावंतं कालं. जतो वयं मदे ! अहो ण कमण्णाणं दविन्नेयमभागधिज्जेहिं खह-सत्तेहिं अदिट्ठ-घोरुग्ग-परलोग-पच्चवाएहिं-अतत्ताभिणिविट्ठ-दिट्ठीहिं-पक्खवाय-मोह-संधुक्किय-माणसेहिं राग-दोसोवहयबुद्धिहिं परं तत्तधम्म ! अहो सज्जीवेणेव परिमुसिए एवइयं काल-समयं ! अहो किमेस णं परमप्पा भारिया-छलेणासि उ मज्झ गेहे, उदाहु णं जो सो निच्छिओ मीमंसएहिं सव्वण्णू सोच्चि, एस सूरिए इव संसय-तिमिरावहारित्ता णं लोगावभासे मोक्ख-मग्ग-संदरिसणत्थं सयमेव पायडीहूए ? ।
Jain Education International
For Private & Personal Use Only
www.jainelibrary.org
