Page Text
________________
१४४
महानिसीह-सुय-खंधं अ.
जहा णं इमे मज्झ सुए संवुत्ते तहा णं गेहे गेहे जे केइ भूए, जे केई वटुंति, के केई भविंसु सुए तहा वि एरिसे वि बंधु-वग्गे । केवलं तु स-कज्ज-लुद्धे चेव घडिया-मुहुत्त-परिमाणमेव कंचि कालं भएज्जा वा, ता भो भो जणा, ण किंचि कज्ज एतेणं कारिम-बंधु-संताणेणं अणंत-संसार-घोर-दुक्ख-पदायगेणं ति एगे चेवाहन्निसाणुसमयं सययं सुविसुद्धासए भयह धम्मे।
[९] धम्मे य णं इढे पिए कंते परमत्थे सुही-सयण-जण-मित्त-बंधु-परिवगे । धम्मे य णं हिट्टिकरे, धम्मे य णं पुट्टिकरे, धम्मे य णं बलकरे, धम्मे य णं उच्छाहकरे, धम्मे य णं निम्मल-जस-कित्तीपसाहगे, धम्मे य णं माहप्पजणगे, धम्मे य णं सुट्ठ-सोक्ख-परंपरदायगे, से णं सेव्वे, से णं आराहणिज्जे, से य णं पोसणिज्जे, से य णं पालणिज्जे, से य णं करणिज्जे, से य णं चरणिज्जे, से य णं अणुट्ठणिज्जे', से य णं उवइस्सणिज्जे, से य णं कहणिज्जे, से य णं भणणिज्जे, से य णं पण्णवणिज्जे से य णं कारवणिज्जे, से य णं धुवे, सासए, अक्खए, अव्वए, सयल-सोक्ख-निहीधम्मे, से य णं अलज्जणिज्जे, से य णं अउल-बल-वीरिए, सरिय-सत्त-परक्कम-संजुए पवरे वरे इढे पिये कंते दइए सयल-दुक्ख-दारिद्द-संतावुव्वेग-अयस-अब्भक्खाण'जम्म-जरा-मरणाइ-असेस-भय-निन्नासगे, अणण्ण-सरिसे सहाए तेलोक्केक्कसामिसाले,
-
[१०] - ता अलं सुही-सयण-जण-मित्त-बंधुगण-धण-धण्ण-सुवण्ण-हिरण्ण-रयणोह-निही-कोस-संचयाइ-सक्कचाव-विज्जुलयाडोवचंचलाए, सुमिणिंदजाल-सरिसाए खण-दिट्ठ-नट्ठ-भंगुराए, अधुवाए, असासयाए, संसार-बुड्वि-कारिगाए, णिरयावयारहेउभूयाए, सोग्गइ-मग्ग-विग्घ-दायगाए, अणंत-दुक्ख-पदायगाए रिद्धीए, सुदुल्लहा खलु भो धम्मस्स साहणी, सम्म-दंसण-णाण-चारित्ताराहणी निरुत्ताइ-सामग्गी-अणवरयमहन्निसाणुसमएहि णं खंड-खंडेहिं तु परिसडइ आउं, दढ-घोर-निठुरासज्झ चंडा जरासणिसण्णिवाया संचुण्णिए . सयजज्जरभंडगे इव अकिंचिकरे भवइ उ दियहाणुदियहेणं इमे तणू किसलय-दलग्ग-परिसंठियजल-बिंदुभिवाकंडे, निमिसद्धब्भंतरेणेव लहुँ ढलइ जीविए, अविढत्त- परलोगपत्थयणाणं तु निप्फले चेव मणुयजम्मे, ता भो ण खमे तणु-तणुयतरे वि ईसिपि पमाए।
[११-१२] जओ णं एत्थं खलु सव्वकालमेव समसत्तु-मित्त-भावेहिं भवेयव्वं-अप्पमत्तेहिं च पंच महव्वए धारियव्वे। तं जहा-कसिणपाणाइवायविरती, अणलिय-भासित्तं, दंत-सोहणमेत्तस्सवि अदिण्णस्स वज्जणं, मणो वइ-काय-जोगेहिं तु अखंडिय-अविराहिय-णव-गुत्ती-परिवेढियस्स णं परम-पवित्तस्स सव्वकालमेव दुद्धरबंभचेरस्स धारणं, वत्थ-पत्त-संजमोवगरणेसुं पि णिम्मत्तया, असण-पाणाईणं तु चउव्विहेणेव राईभोयणच्चाओ, उग्गमुप्पायणेऽसणाईसु णं सुविसुद्धपिंडगहणं, संजोयणाइ-पंच-दोस-विरहिएणं परिमिएणं काले भिन्ने पंचसमिति-विसोहणं, ति-गुत्ती गुत्तया, इरिया-समिईमाइओभावणाओ, अणसणाइतवोवहाणाणुट्ठाणं, मासाइभिक्खुपडिमाओ, विचित्ते दव्वाई अभिग्गहे, अहो णं भूमी सयणे, केसलोए, निप्पडिकम्म-सरीरया, सव्व-कालमेव गुरुनिओगकरणं, खुहा-पिवासाइपरिसहाहियासणं, दिव्वाइउवसग्गविजओ, लद्धावलद्धवित्तिया, किं बहुणा ? अच्चंत-दुव्वहे भो वहियव्वे अवीसामंतेहिं चेव सिरिमहापुरिसत्तवूढे अट्ठारस-सीलंग-सहस्सभारे, तरियव्वे य भो बाहाहिं महासमुद्दे, अविसाईहिं च णं भो भक्खियव्वे, णिरासाए वालुयाकवले, परिसक्केयव्वं च भो णिसियसतिक्खदारुण-करवालधाराए. पायव्वा यणं भो सहय-हयवह-जालावली, भरीयवेणं भो सहम-पवणकोत्थलगे, गमियव्वं च णं भो गंगा-पवाह-पडिसोएणं, तोलेयव्वं भो साहस-तुलाए मंदर-गिरि, जेयव्वे य
१ अणुहिजे खं. । २ दुक्खवणलंभजरा खं. । ३ हा हुवे लाभो ध खं.। ४ रा सन्भ खं. । ५ भंडण इव खं. ।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |