________________
१०२
महानिसीह-सुय-खंधं ॐ
साहु-साहुणी-वग्गेणं, विण्णायव्वमिह गोयमा !। जेसिं मोत्तूण ऊसासं णीसासं णाणुजाणियं ॥१२५॥ तमवि जयणाए अणुण्णायं, वि जयणाए ण सव्वहा। अजयणाए ऊससंतस्स, कओ धम्मो कओ तवो ? ॥१२६।।
__ [४]
'भयवं! जावइयं दिटुं, तावइयं कहणुपालिया। जे भवे अवीय-परमत्थे, किच्चाकिच्चमयाणगे' ? ॥१२७।। एगंतेण हियं वयणं, गोयमा ! दिस्संती केवली। णो बलमोडीए कारेंति, हत्थे घेत्तूण जंतुणो ॥१२८॥ तित्थयर-भासिए वयणे, जे 'तह त्ति अणुपालिया। सिंदा देव-गणा तस्स पाए पणमंति हरिसिया ॥१२९॥ जे अविइय परमत्थे किच्चाकिच्चमजाणगे। अंधो अंधी एतेसिं समं जल-थलं गड-टिक्कुरं ॥१३०।। गीयत्थो य विहारो, बीओ गीयत्थ-मीसओ। समणुण्णाओ सुसाहूणं, णत्थि तइयं वियप्पणं ॥१३१।। गीयत्थे जे सुसंविग्गे, अणालसी दढव्वए। अखलिय-चारित्ते सययं राग-दोस-विवज्जिए॥१३२॥ निविय अद्वमय-टाणे समिय-कसाए जिडदिए। विहरेज्जा तेसिं सद्धिं तु, ते छउमत्थे वि केवली ॥१३३।। सुहुमस्स पुढवि-जीवस्स जत्थेगस्स किलामणा । अप्पारंभं तयं बेंति, गोयमा ! सव्व-केवली ॥१३४|| सुहमस्स पुढवि-जीवस्स, वावत्ती जत्थ संभवे । महारंभं तयं बेंति गोयमा ! सव्वे वि केवली ॥१३५।। पढवि-काइयं एकंदरमलेंतस्स गोयमा!। असाय-कम्म-बंधो हु दुविमोक्खे ससल्लिए ।।१३६।। एवं च आऊ-तेऊ-वाऊ-तह वणस्सती। तसकाय-मेहुणे तह य, चिक्कणं चिणइ पावगं ॥१३७।। तम्हा मेहुण-संकप्पं पुढवादीण विराहणं । जावज्जीवं दुरंत-फलं, तिविहं तिविहेण वज्जए ॥१३८।। ता जे अविदिय-परमत्थे, गोयमा ! णो य जे मुणे । तम्हा ते विवज्जेज्जा, दोग्गई-पंथ-दायगे ॥१३९।। गीयत्थस्स उ वयणेणं, विसं हलाहलं पि वा। निव्विकप्पो पभक्खेज्जा, तक्खणा जं समुद्दवे ॥१४०।। परमत्थओ विसं तोसं, अमयरसायणं खु तं । णिव्विकप्पं ण संसारे, मओ वि सो अमयस्समो ॥१४१॥
१णो वयं मुणे शु.। Jain Education International
For Private & Personal Use Only
www.jainelibrary.org
