________________
महानिसीह-सुय-खंधं
१०३
अगीयत्थस्स वयणेणं, अमयं पि ण घोट्टए। जेण अयरामरे हविया, जह किलाणो मरिज्जिया ॥१४२।। परमत्थओ ण तं अमयं, विसं तं हलाहलं। ण तेण अयरामरो होज्जा, तक्खणा निहणं वए ॥१४३।। अगीयत्थ-कुसीलेहिं संगं तिविहेण वज्जए। मोक्ख-मग्गस्सिमे विग्घे, पहम्मी तेणगे जहा ।।१४४।। पज्जलियं हुयवहं दटुं, णीसंको तत्थ पविसिउं। अत्ताणं पि डहेज्जासि नो कुसीलं समल्लिए ।।१४५|| वास-लक्खं पि सूलीए, संभिन्नो अच्छिया सुहं । अगीयत्थेण समं एक्कं, खणद्धं पि न संवसे ॥१४६|| विणा वि तंत-मंतेहिं, घोर-दिट्ठीविसं अहिं। डसंतं पि समल्लीया, णागीयत्थं कसीलाहमं ॥१४॥ विसं खाएज्ज हालाहलं, तं किर मारेइ तक्खणं । ण करेऽगीयत्थ-संसग्गिं विढवे लक्खं पि जइ तहिं ॥१४८।। सीहं वग्धं पिसायं वा, घोर-रूवं भयंकरं । उगिलमाणं पि लीएज्जा, ण कुसीलमगीयत्थं तहा ॥१४९।। सत्तजम्मंतरं सत्तुं अवि मण्णेज्जा सहोयरं । वय-नियमं जो विराहेज्जा, जणयं पिक्खे तयं रिउं॥१५०॥ वरं पविट्ठो जलियं हुयासणं, न या वि नियमं सुहुमं विराहियं । वरं हि मच्चू सुविसुद्ध-कम्मुणो, न यावि नियमं भंतूण जीवियं ॥१५१।।
अगीयत्थत्तदोसेणं गोयमा ! ईसरेण उ। जं पत्तं तं निसामित्ता लहुं गीयत्थो मुणी भवे ॥१५२॥ 'से भयवं! णो वियाणेहं, ईसरो को वि मुणिवरो ? । किं वा अगीयत्थ-दोसेणं पत्तं तेण ? कहेहि णे' ! ॥१५३।। चउवीसिगाए अन्नाए एत्थ भरहम्मि गोयमा ! पढमे तित्थंकरे जइया, विही-पुव्वेण निव्वुडे ॥१५४।। तइया नेव्वाण-महिमाए कंत-रूवे सुरासुरे । निवयंते उप्पयंते दटुं पच्चंतवासिओ ॥१५५।। 'अहो ! अच्छेरयं अज्जं, मच्चलोयम्मि पेच्छिमो। ण' इंदजालं सुमिणं वा वि दिटुं कत्थई पुणो ॥१५६।। एवं वीहाऽपोहाए पुव्वं जातिं सरित्तु सो। मोहं गंतूण खणमेक्कं, मारुया ऽऽसासिओ पुणो ॥१५७॥ थर-थर-थरस्स कंपतो निंदिउं गरहिउँ चि।। अत्ताणं गोयमा ! धणियं, सामण्णं गहिउमुज्जओ ॥१५८॥
१ ज सव्व लोखं. । २ तं ई जे ख.।
Jain Education International
• For Private & Personal Use Only
www.jainelibrary.org
