Page Text
________________
महानिसीह-सुय-खंधं
ता अकिंचियरं निप्पओयणं ति णाऊण मोक्कलियं गोयमा ! तेणं चक्किएणं । तं सलसलिंत-किमि जालेहिं णं खज्जमाणं बइल्लं सावज्जायरिय-जीवं । तओ मोक्कल्लिओ समाणो परिसडिय-पट्ठि-चम्मो बहु काय-साण-किमि-कुलेहिं सबज्झब्भंतरे विलुप्पमाणो एकूणतीसं संवच्छराइं जावाहाउगंपरिवालेऊण मओ समाणो उववण्णो अणेग-वाहि-वेयणा-परिगय-सरीरो मणुएसुं महाधणस्सणं इन्भ-गेहे। तत्थ वमण-विरेयण-खार-कडुतित्त-कसाय-तिहला-गुग्गुल-काढगे आवीयमाणस्स णिच्च-विसोसणाहिं च असज्झाणुवसम्म-घोर-दारुणदुक्खेहिं पज्जालियस्सेव गोयमा ! गओ निप्फलो तस्स मणुयजम्मो । एवं च गोयमा ! सो सावज्जायरिय-जीवो चोद्दस-रज्जुयलोगं जम्मण-मरणेहिं णं निरंतरं पडिजरिऊणं सुदीहणंतकालाओ समुप्पन्नो मणुयत्ताए अवरविदेहे। तत्थ य भाग-वसेणं लोगाणुवत्तीए गओ तित्थयरस्स वंदण-वत्तियाए, पडिबुद्धो य पव्वइओ सिद्धो य इह तेवीसइम-तित्थयरस्स पास-णामस्स काले । एयं तं गोयमा ! सावज्जायरिएणं पावियं ति।
[३९] 'से भयवं ! किं पच्चइयं तेणाणुभूयं एरिसं दूसहं घोर-दारुणं महादुक्ख-सण्णिवाय-संघट्टमेत्तियकालं ति? गोयमा ! जं भणियं तक्काल-समयम्मि जहा णं उस्सग्गाववाएहिं आगमो ठिओ, एगंतो मिच्छत्तं, जिणाण आणा अणेगंतो त्ति एय-वयणपच्चइयं । __ से भयवं ! किं उस्सग्गाववाएहि णं णो ठियं आगमं, एगंतं च पण्णविज्जइ ?' गोयमा ! उस्सगाववाएहिं चेव पवयणं ठियं, अणेगंतं च पण्णविज्जइ, णो णं एगतं, णवरं आउक्काय-परिभोगं तेउ-कायसमारंभं मेहुणासेवणं च । एते तओ थाणंतरे एगंतेणं ३ निच्छयओ ३ बाद ३ सव्वहा सव्व-पयारेहिं णं आयहियट्ठीणं निसिद्धं ति। ___ एत्थं च सुत्ताइक्कमे संमग्ग-विप्पणासणं उम्मग्ग-पयरिसणं, तओ य आणा-भंग आणा-भंगाओ अणंत संसारी।
'से भयवं ! किं ते णं सावज्जायरिएणं मेहुणमासेवियं ? गोयमा ! सेवियासेवियं णो सेवियं णो असेवियं। से भयवं ! के णं अटेणं एवं वुच्चइ ? । गोयमा ! जं तीए अज्जाए तक्कालं उत्तिमंगेणं पाए फरिसिए फरिसिज्जमाणे य णो तेण । आउंटिउं संवरिए, एएणं अटेणं गोयमा ! वुच्चइ। ___ 'से भयवं ! एद्दह-मेत्तस्स वि णं एरिसे घोरे दुव्विमोक्खे बद्ध-पुट्ठ-निकाइए कम्म-बंधे ? गोयमा ! एवमेयं, ण अण्णह त्ति। ___ ‘से भयवं ! तेण तित्थयरणाम-कम्मगोयं आसंकलियं एग-भवावसेसीकओ आसी भवोयहि, ता किमेयमणंत-संसाराहिंडणं ति? 'गोयमा! नियय-पमाय-दोसेणं। तम्हा एयं वियाणित्ता 'भवविरहमिच्छमाणेणं गोयमा! सुद्दिट्ठ-समय-सारेणं गच्छाहिवइणा सव्वहा सव्व-पयारेहि णं सव्वत्थामेसु अच्चंतं अप्पमत्तेणं भवियव्वं ति बेमि। ॥छ।
महानिसीह-सुयक्खंधस्स दुवालसंग-सुय-णाणस्स णवणीयसारं णाम पंचमं अज्झयणं ।
१ पट्टिवंगो जे. । २ पडियरिऊरि ख.।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |