________________
महानिसीह-सुय-खंधं
गीयत्थ-विहार नाम छट्ठमज्झणं
'भगवं ! जो रत्ति-दियहं सिद्धतं पढई सुणे। वक्खाणे चिंतए सततं, सो किं अणायारमायरे ? ॥१॥ सिद्धंत-गयमेगं पि, अक्खरं जो वियाणई। सो गोयम ! मरणंते वी, अणायारं नो समायरे ॥२॥ भयवं ! ता कीस दस-पुव्वी णंदिसेण-महायसे । पव्वज्जं चेच्चा गणिकाए गेहं पविट्ठो पमुच्चइ ? ॥३॥ गोयम ! तस्स पविट्ठ मे भोगहलं खलिय-कारणं । भव-भय-भीओ तहा वि दुयं सो पव्वज्जमुवागओ ॥४॥ पायालं अवि उद्घमुहं, सगं होज्जा अहो-मुहं। णो उणो केवलि-पण्णत्तं वयणं अण्णहा भवे ॥५।। अण्णं सो बहूवाए वा सुय-निबद्धे वियारिउं । गुरुणो पामूले मोत्तूणं लिंग, निव्विसओ गओ ॥६॥ तमेव वयणं सरमाणो, दंत-भग्गो स-कम्मणा। भोगहलं कम्मं येइ, बद्ध-पुट्ठ-निकाइयं ॥७॥ भयवं ! ते केरिसोवाए, सुय-निबद्धे वियारिए। जेणुज्झिऊणं सामण्णं अज्ज वि पाणे धरेइ सो ? ॥८॥ एते ते गोयमोवाए, केवलीहिं पवेइए । जहा विसय-पराभूओ सरेज्जा सुत्तमिमं मुणी ॥९॥ तं जहातवमट्ठगुणं घोरं, आढवेज्जा सुदुक्करं । जया विसए उदिज्जंति, पडणासण-विसं पिबे ॥१०॥ काउं बंधिऊण मरियव्वं, नो चरित्तं विराहए। अह एयाइं न सक्किज्जा ता गुरुणो लिंग समप्पिया ।।११।। विदेसे जत्थ नागच्छे पउत्ती, तत्थ गंतूण । अणुव्वयं पालेज्जा, नो णं भविया णिद्धंधसे ॥१२॥ ता गोयम ! नंदिसेणेणं गिरि-पडणं जाव पत्थुयं । ताव आयासे इमा वाणी पडिओ विणो मरिज्जतं' ॥१३॥ दिसा-महाई जा जोए. ता पेच्छे चारणं-मणिं। 'अकाले नत्थि ते मच्चू, विसमवि स मादितुंगओ ॥१४|| ताहे वि अण-हियासेहिं', विसएहिं जाव पीडिओ। ताव चिंता समुप्पन्ना, जहा 'किं जीविएण में' ॥१५॥ कुंदेंदु-निम्मलय-रागं तित्थं पावमती अहं। उड्डाहेंतो य सुज्झिस्सं, कत्थ गंतुमणारिओ ? ॥१६।।
१ से भय आ. । २ पविट्ठो य वुच्च आ. । ३ पसिढे ला, । पसिद्धं सं टिप्पण । ४ ज्झियसु आ । ५ पिवा आ. । ६ वि मादितुं आ.।
७°वि अणहिया आ । ८ मुज्झि आ. । Jain Education International For Private & Personal Use Only
www.jainelibrary.org
