Page Text
________________
महानिसीह-सुय-खंधं .
सायणा भीरू, जेणं इड्वि-रस-सायगारव-रोद्दट्टज्झाण-विप्पमुक्के, जेणं सव्वावस्सगमुज्जुत्ते, जेणं सविसेस-लद्धि जुत्ते, जे णं आवडिय-पेल्लियामंतिओ वि णायरेज्जा अयज्जं, जे णं नो बहु निद्दो, जे णं नो बहु भोइ, जे णं सव्वावस्सग-सज्झाय-ज्झाण-पडिमाभिग्गह-घोर-परीसहोवसग्गेसु जिय-परीसमे', जेणं सुपत्त-संगह-सीले, जेणं अपत्त-परिद्वावणविहिण्ण जे णं अणद्धय-बोंदी जे णं परसमय-ससमय-सम्म-वियाणगे जे णं कोह माण-माया-लोभ-ममकारादि इतिहास-खेड्ड-कंदप्पनाहियवादविप्पमुक्के धम्मकहा-संसार-वास-विसयाभिलासादीणं वेरगुप्पायगे पडिबोहगे भव्व-सत्ताणं, से णं गच्छ-निक्खेवण-जोगो, से णं गणी, से णं गणहरे, से णं तित्थे, से णं तित्थयरे, से णं अरहा, से णं केवली, से णं जिणे, से णं तित्थुब्भासगे, से णं वंदे, से णं पुज्जे, से णं नमसणिज्जे, से णं दट्ठव्वे, से णं परम-पवित्ते, से णं परम-कल्लाणे, से णं परम-मंगल्ले, से णं सिद्धी, से णं मुत्ती, से णं सिवे, से णं मोक्खे, से णं ताया, से णं संमग्गे, से णं गती, से णं सरण्णे, से णं सिद्धे, मुत्ते पार-गए-देव-देवे। एयस्स णं गोयमा ! गण-निक्खेवं कुज्जा, एयस्स णं गणनिक्खेवं कारवेज्जा, एयस्स णं गणनिक्खेवणं समणुजाणेज्जा। अण्णहा णं गोयमा ! आणा-भंगे।
[२०] ‘से भयवं ! केवतियं कालं जाव एस आणा पवेइया ?' गोयमा ! जाव णं महायसे महासत्ते महाणुभागे सिरिप्पभे अणगारे । ‘से भयवं ! केवतिएणं काले णं से सिरिप्पभे अणगारे भवेज्जा' ? । गोयमा ! होही दुरंत-पंत-लक्खणे अदब्वे रोद्दे चंडे पयंडे-उग्ग-पयंडे-दंडे निम्मेरे निक्किवे निम्घिणे नित्तिंसे कूरयर-पाव-मती अणारिए मिच्छदिट्ठी कक्की नाम रायाणे । से णं पावे पाहुडियं भमाडिउ-कामे सिरि-समण-संघं कयत्थेज्जा। जाव णं कयत्थे इ ताव णं गोयमा ! जे केई तत्थ सीलड्ढे महाणुभागे अचलिय-सत्ते तवोहणे अणगारे तेसिं च पाडिहेरियं कुज्जा सोहम्मे कुलिसपाणी एरावणगामी सुर-वरिदे । एवं च गोयमा ! देविंद-वंदिए दिट्ठ-पच्चए णं सिरि-समण-संघे । णिट्ठिज्जा णं कुणयपासंड-धम्मे जाव णं गोयमा ! एगे अबिइज्जे अहिंसा-लक्खण-खंतादि-दस-विहे धम्मे, एगे अरहा देवाहिदेवे, एगे जिणालए, एगे वंदे, पूए, दक्खे सक्कारे सम्माणे महायसे महासत्ते महाणभागे दढ-सील-व्वय-नियम-धारए तवोहणे साह । तत्थ णं चंदमि सूरिए इव तव-तेय-रासी, पुढवी इव परीसहोवसग्ग-सहे, मेरूमंदर-धरे इव निप्पकंपे ठिए अहिंसा-लक्खणखंतादि-दस-विहे धम्मे । से णं सुसमण-गण-परिवुडे निरब्भ-गयणामल-कोमुई-जोग-जुत्ते इव गह-रिक्ख-परियरिए गहवई चंदे अहिययरं विराएज्जा, गोयमा ! से णं सिरिप्पभे अणगारे । ता गोयमा! एवइयं कालं जाव एसा आणा पवेइया । ‘से भयवं ! उड्डे' पुच्छा । गोयमा ! तओ परेण उद्धं हायमाणे काल-समए तत्थ णं जे केई छक्काय-समारंभ-विवज्जी से णं धण्णे पुण्णे वंदे पूए नमंसणिज्जे । सुजीवियं जीवियं तेसिं॥छ। '
[२१] से भयवं ! सामण्णे पुच्छा, जाव णं वयासि । 'गोयमा ! अत्थेगे जे णं जोगे अत्थगे जे णं णो जोगे। 'से भयवं ! के णं अटेणं एवं वुच्चइ जहा णं अत्थेगे जे णं नो जोगे ? गोयमा ! अत्थेगे जेसिं णं सामण्णे पडिकुढे अत्थेगे जेसिं च णं सामण्णे नो पडिकुटे । एएणं अटेणं एवं वुच्चइ जहा णं अत्थेगे जे णं जोगे अत्थेगे जे णं नो जोगे। ___ 'से भयवं ! कयरे ते जेसिं णं सामण्णे पडिकुठे ? कयरे वा ते जेसिं च णं णो परियाए पडिसेहिए ? गोयमा ! अत्थेगे जे णं विरुद्ध अत्थेगे जे णं नो विरुद्ध ? जे णं से विरुद्ध से णं पडिसेहिए, जे णं णो विरुद्धे से णं नो पडिसेहिए।
१ समे जे. ला. । २ गच्छ नि शु. । ३ कयत्थे खं. । ४ तवोवहाणे ला. । ५ डिहारि ला. । ६ शूलपाणि ला. । ७ निदिजाणे ला.।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |