Page Text
________________
महानिसीह - सुखंध
सय-दिक्खिए वि होत्ताणं वायामेत्तेणं पि आगमओ बाहिं करिति ते णामट्ठवणाहिं णिओइयव्वे । 'से भयवं ! आयरिया-णं केवइयं पायच्छित्तं भवेज्जा' जमेगस्स साहुणो तं आयरिय-मयहर - पवत्तिणीए य सत्तरसगुणं । अहा णं सील' खलिए भवंति । तओ ति - लक्ख गुणं । जं अइदुक्करं णो जं सुकरं । तम्हा सव्वहा सव्व-पयारेहि णं आयरिय-मयहर' - पवित्तिणीए य अत्ताणं पायच्छित्तस्स संरक्खेयव्वं अखलिय- सीलेहिं च भवेयव्वं । 'से भयवं! जे णं गुरू सहस्साकारेणं अण्णयर- ट्ठाणे चुक्केज्ज वा खलेज्ज वा से णं आराहगे ण वा' ? गोयमा ! गुरू गुरु-गुणे वट्टमाणो अक्खलिय-सीले अप्पमादी अणालस्सी सव्वालंबणविप्पमुक्के सम-सत्तु-मित्त पक्खे सम्मग्ग- पक्खवाए जाव णं कहा- भणिरे सद्धम्म- जुत्ते भवेज्जा, नो णं उम्मग्ग - देसए अहम्माणुरए भवेज्जा | सव्वा सव्व - पयारेहिणं गुरुणा ताव अप्पमत्तेणं भवियव्वं, णो णं पमत्तेणं । जे उण पमादी भवेज्जा से णं दुरंत-पंत-लक्खणे अदट्ठव्वे महा-पावे । जईणं सबीए हवेज्जा ता णं नियय- दुच्चरियं जहावत्तं स-पर-सीस-गणाणं पक्खाविय जहा 'दुरंत - पंत- लक्खणे अदट्ठव्वे महा-पाव -कम्मकारी समग्ग-पणासओ अहयं' ति । एवं निंदित्ताणं गरहित्ताणं आलोइत्ताणं च जहा- भणियं पायच्छित्तमणुचरेज्जा | से णं किंचुद्देसेणं आराहगे भवेज्जा, जइ णं सल्ले निडी - विप्पक्के न पुणो संमग्गाओ परिभंसेज्जा । अहा णं परिभस्से तओ णाराहेइ ।
1
[१९]
'से भयवं ! केरिस-गुणजुत्तस्स णं गुरुणो गच्छ-निक्खेवं कायव्वं ?' गोयमा ! जे णं सुव्वए, जेणं सुसीले, जेणं दढ-व्वए, जेणं दढ-चारिते, जे णं अणिंदियंगे, जेणं अरहे, जे णं गयरागे, जे णं गय-दोसे, जे णं निट्ठिय-मोह-मिच्छत्त-मल-कलंके जे णं उवसंते, जेणं सुविण्णाय - जग-ट्ठितीए जेणं सुमहा-वेरग्गमग्गमल्लीणे, जेणं इत्थ कहा- पडिणीए जे णं भत्त-कहा- पडिणीए, जे णं तेण - कहा पडिणीए, जे णं रायकहा पडिणीए, जेणं जणवय-कहा- पडिणीए, जेणं अच्चतमणुकंप-सीले, जेणं परलोग-पच्चवाय भीरू जेणं कुसील - पडिणीए, जे णं विण्णाय-समय-सब्भावे, जे णं गहिय-समय-पेयाले, जेणं अहण्णिसाणुसमयं ठिए खंतादि-अहिंसालक्खण-दस-विहे समण-धम्मे, जेणं उज्जुत्ते अहण्णिसाणु- समयं दुवालस-विहे तवो-कम्मे, जे षं सुओवउत्ते सययं पंचसमितीसु, जेणं सुगुत्ते सययं तीसु गुत्तीसुं, जेणं आराहगे स- सत्तीए अट्ठारसण्हं सीलंग- सहस्साणं जे णं अविराहगे एगंतेणं स- सत्तीए सत्तरस - विहस्स णं संजमस्स, जे णं उस्सग्ग- रूई, जे णं तत्त- रूई, जे णं सम-सत्तु-मित्त पक्खे, जेणं सत्त-भय-ट्ठाण - विप्पमुक्के, जेणं अट्ठ-मय-ट्ठाण विप्पजढे, जे णं णवण्हं भर - गुणं विराहणा- भीरू, जेणं बहु-सूए, जेणं आरिय- कुलुप्पण्णे, जेणं अदीणे, जेणं अकिविणे, जेणं अणालसिए, जेणं संजई वग्गस्स पडिवक्खे, जे णं सययं धम्मोवएस-दायगे, जे णं सययं ओहसामायारी - परूवगे, जे णं मेरावट्ठिए, जे णं असामायारी - भीरू, जे णं आलोयणारिहे जे णं पायच्छित्तदाण- पयच्छणक्खमे, जेणं वंदण- मंडलि- विराहण जाणगे, जे णं पडिक्कमण- मंडलि- विराहण जाणगे, जे
८३
सझाय मंडलि- विराहण जाणगे, जेणं वक्खाण मंडलि- विराहण - जाणगे, जे णं आलोयणा - मंडलिविराहण-जाणगे, जे णं उद्देस - मंडलि- विराहण-जाणगे, जेणं समुद्देस - मंडलि- विराहण'- जाणगे, जेणं पव्वज्जाविराहण - जाणगे, जेणं उवट्ठावणा- विराहणा-जाणगे, जेणं उद्देस - समुद्देसाणुण्णा विराहण जाणगे, जेणं काल-खेत्त-दव्व-भाव-भावंतरंतर - वियाणगे, जे णं काल-खेत्त - दव्व - भावालंबण - विप्पमुक्के, जेणं स-बालवुड्ड - गिलाण - सेह - सिक्खग- साहम्मिय- अज्झावट्ठावण-कुसले, जे णं परूवगे नाण- दंसण चारित्त तवो गुणाणं जेणं चरए धरए पभावगे नाण- दंसण चरित्त तवो गुणाणं जे णं दढ सम्मत्ते, जे णं सययं अपरिसाई, जे णं धीमा, जेणं गंभीरे, जेणं सुसोमले जे दिणयरमिय अणभिभवणीए तवतेएणं, जेणं सरीरोवरमे वि छक्काय-समारंभ - विवज्जी, जेणं सील-तव- दाण- भावनामय- चउव्विह- धम्मंतराय - भीरू, जे णं सव्वा
१ अहीणं सील खलि ला. । २ रंजं न सुकरं रवं । ३ महयर ला. । ४ एगंतणं अविराहगे एगंतणं सत्तसत्तीए ला. । ५ लि वित्राण जा. रवं ।
Jain Education International
For Private Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |