Page Text
________________
महानिसीह-सुय-खंधं
[१४] अहण्णया सुबहु मणसा संधारेऊणं चेव भणियं तेण आयरिएणं-जहा णं"तुब्भे किंचि वि सुत्तत्थं वियाणह च्चिय । ता जारिसं तित्थयत्ताए गच्छमाणाणं असंजमं भवइ तारिसं सयमेव वियाणेह । किं एत्थ बहु-पलविएणं ? अण्णं च-विदियं तुम्हेहिं पि संसारसहावं जीवाइपयत्थ-तत्तं च । ___ अहण्णया बहु उवाएहिं णं विणिवारितस्स वि तस्सायरियस्स गए चेव ते साहुणो णं कुद्धेणं कयंतेणं पेरिए तित्थयत्ताए, तेसिं च गच्छमाणाणं कत्थइ अणेसणं', कत्थइ हरिय-काय-संघट्टणं, कत्थइ बीयक्कमणं, कत्थइ पिवीलियादीणं तसाणं संघटण-परितावणोद्दवणाइ-संभवं, कत्थइ बइठ्ठपडिक्कमणं, कत्थइ ण कीरए चेव चाउक्कालियं सज्झायं, कत्थइ ण संपाडेज्जा मत्तभंडोवगरणस्स विहीए उभय-कालं पेह-पमज्जणपडिलेहण-पक्खोडणं । किं बहुणा ? गोयमा ! केत्तियं भण्णिहिई । अट्ठारसण्हं सीलंग-सहस्साणं सत्तरस विहस्स णं संजमस्स दुवालसविहस्स णं सम्भंतरबाहिरस्स तवस्स जाव णं खंताइ-अहिंसालक्खणस्सेव य दस-विहस्साणगार-धम्मस्स। जत्थेक्केक्कपयं चेव सुबहुएणं पि कालेणं थिर-परिचिएण दुवालसंग-महासुयक्खंधेणं बह-भंग-सय-संघत्तणाए दक्खं निरइया परिवालिऊणं जे. एयं च सव्वं जहा-भणियं निरडयारमणटेयं ति।
एवं संसरिऊण चिंतियं तेण गच्छाहिवइणा जहा णं मे विप्परोक्खेणं ते दुट्ठ-' सीसे मज्झं अणाभोग-पच्चएणं सबहुं असंजमं काहिंति, तं च सव्वं मे मच्छंतियं होही' जओ णं हं तेसिं गुरू, ता. हं तेसिं पट्ठीए गंतूणं ते पडिजागरामि, जेणाहमेत्थ पए पायच्छित्तेणं णो सबंज्झेज्जपत्ति । वियप्पिऊणं गओ सो आयरिओ तेसिं पट्टीए जाव णं दिट्ठो तेणं असमंजसेणं गच्छमाणे।
[१५] ताहे गोयमा ! सुमहुर-मंजुलालावेणं भणियं तेणं गच्छाहिवइणा । जहा-'भो भो ! उत्तमकुलनिम्मल-वंस-विभूसणा, अमुग-पमुगाई-महासत्ता, साहू ! उप्पहपडिवन्नाणं पंच-महव्वया-हिट्ठिय -तणूणं महाभागाणं साहु-साहुणीणं सत्तावीसं सहस्साइं थंडिलाणं सव्वदंसीहिं पण्णत्ताई। ते य सुउवउत्तेहिं विसोहिज्जंति, ण उणं अणोवउत्तेहिं । ता किमेयं सुन्नासुन्नीए अणोवउत्तेहिं गम्मइ इच्छायारेणं ? उवओगं देह । अण्णं च-इणमो सुत्तत्थं किं तुम्हाणं विसुमरियं भवेज्जा जं सारं सव्व-परम-तत्ताणं ? जहा एगे बेइंदिए पाणी एगं सयमेव हत्थेण वा, पाएण वा, अण्णयरेण वा सलागाइ-अहिगरण-भूओवगरण-जाएणं जे णं केई संघट्टेज्जा, संघट्टावेज्जा वा, एवं संघट्टियं वा परेहिं समणुजाणेज्जा, से णं तं कम्मं जया उदिण्णं भवेज्जा तया जहा उच्छु-खंडाइं जंते तहा निप्पीलिज्जमाणा छम्मासेणं खवेज्जा, एवं गाढे दुवालसेहिं संवच्छरेहिं तं कम्मं वेदेज्जा। एवं अगाढपरियावणे वास-सहस्सं, गाढ-परियावणे दस-वास-सहस्से, एवं अगाढ-किलावणे वास-लक्खं, गाढ-किलावणे दस-वास-लक्खाई उद्दवणे वास-कोडी । एवं तेइंदियाईसुं पि णेयं । ता एवं च वियाणमाणा मा तुम्हे मुज्झह' त्ति । एवं च गोयमा ! सुत्ताणुसारेणं सारयंतस्सावि तस्सायरियस्स ते महा-पावकम्मे गम-गम-हल्लंप्फलेणं हल्लोहल्लीभूएणं तं आयरियाणं वयणं असेस-पाव-कम्मट्ठ-दुक्ख-विमोयगं ण बहु मण्णंति।
[१६] ताहे गोयमा ! मणियं तेणायरिएणं जहा-निच्छयओ उम्मग्गपट्ठिए सव्वपगारेहिं चेव इमे पावमई दुट्ठ-सीसे। ता किमट्टमहमिमेसिं पट्टीए लल्ली-वागरणं करेमाणो अणुगच्छमाणो य सुक्खाए गय-जलाए णदीए उबुझं ? एए गच्छंतु दस-दुवारेहि, अहयं तु तावाय-हियमेवाणुचिट्टेमो। किं ममं पर-कएणं सुमहंतेणावि पुन-पब्भारेणं? थेवमवि किंची परित्ताणं भवेज्जा । स-परक्कमेणं चेव मे आगमुत्त-तव-संजमाणु-ट्ठाणेणं भवोयही तरेयव्वो। एस उणं तित्थयराएसो । जहा
१इ सणं खं । २ मत्थंतियं ख. ला. मम गच्छंतियं सं. । ३ ताहिं ला. । ४ पच्छित्ते. जे. । ५ संवज्जत्ति ला. । ६ अमुग अमु खं.।
७°हियतणू जे. । ८ देइ ला.। ९ समयमेव सं. ला. । १० आगममुत्त खं. । Jain Eduaren International For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |