Page Text
________________
महानिसीह - सुय-खंध अ.५
णिऊहेज्जा । 'से भयवं ! किं पडुच्च' ? गोयमा ! मणगं पडुच्चा जहा कहं नाम ? एयस्स णं मणगस्स पारंपरिएणं थेवकालेणेव महंत - घोर - दुक्खागराओ चउगइ - संसार - सागराओ निप्फेडो भवतु । भवदुगुंछेवण न विणा सव्वन्नुवसेणं, से य सव्वन्नुवएसे अणोरपारे दुरवगाढे अनंत-गम-पज्जवेहिं नो सक्का अप्पेणं कालेणं अवगाहिउं । तहा णं गोयमा ! अइसए णं एवं चिंतेज्जा । एवं से णं सेज्जंभवे जहा
८०
अनंतपारं
बहु जाणिव्वं ।
अप्पो कालो बहुले विग्धे ॥ जं सारभूयं तं गिहियव्वं ।
हंस जहा खीरमिवंबु मीसं ॥ १२२॥
तेणं इमस्स भव्व-सत्तस्स मणगस्स तत्त-परिन्नाणं भवउ त्ति काऊणं जाव णं दसवेयालियं सुयक्खंधं णिज्जूहेज्जा । तं च वोच्छिण्णेणं तक्काल-दुवालसंगेणं गणिपिडगेणं जाव णं दूसमा परियंते दुप्पसहे ताव णं सुत्तत्थेणं वाएज्जा । सेय सलागम - निस्संदं दसवेयालिय- सुयक्खंधं सुत्तओ अज्झीहीय गोयमा ! से णं दुप्पसहे अणगारे तओ तस्स णं दसवेयालिय- सुत्तस्साणुगयत्थाणुसारेणं तहा चेव पवत्तेज्जा, णो णं सच्छंदयारी भवेज्जा । तत्थ दसवेयालिय-सुयक्खंधे तक्कालमिणमो दुवालसंगे सुयक्खंधे पइट्ठिए भवेज्जा । एएणं अट्ठेणं एवं वुच्चइ जहा तहा विणं गोयमा ! ते एवं गच्छ - ववत्थं नो विलंधिंसु ।
[१३]
‘से भयवं ! जइ णं गणिणो वि अच्चंत - विसुद्ध - परिणामस्स वि केइ दुस्सीले सच्छंदत्ताए इ वा, गारवत्ताए इवा, जायाइमयत्ताए इ वा आणं अइक्कमेज्जा, से णं किमाराहगे भवेज्जा' ? । गोयमा ! जेणं गुरु सम
मित्त पक्ख गुरु-गुणेसुं ठिए सययं सुत्ताणुसारेणं चेव विसुद्धासए विहरेज्जा, तस्साणमइक्कंतेहिं णव - णउएहिं उहिं सएहिं साहूणं जहा तहा चेव अणाराहगे भवेज्जा । ' से भयवं ! कयरे णं ते पंच सए एक्क विवज्जिए साहूणं जेहिं चणं तारिस - गुणोववेयस्स महाणुभागस्स गुरुणो आणं अइक्कमिउं णाराहियं ? गोयमा ! णं इमाए चेव उसभ- चउवीसिगाए अतीताए तेवीसइमाए चउवीसिगाए जाव णं परिनिव्वुडे चउवीसइमे अरहा ताव णं अइक्कंतेणं केवइएणं कालेणं गुण-निप्फन्ने कम्मसेल-मुसुमूरणे महायसे, महासत्ते, महाणुभागे, सुगहिय-नामधेज्जे, वइरे णाम गच्छाहिवई भूए । तस्स णं पंच सयं गच्छं निग्गंथीहिं विणा, निग्गंथी हिं समं
हस्से । ता गोयमा ! ताओ निग्गंथीओ अच्चंत - परलोग भीरुयाओ सुविसुद्ध निम्मलंतकरणाओ, खंताओ, दंताओ, मुत्ताओ, जिइंदियाओ, अच्चंत - भणिरीओ निय- सरीरस्सा वि य छक्काय- वच्छलाओ जहोवइट्ठ - अच्वंतघोर - वीर - तव चरण- सोसिय- सरीराओ जहा णं तित्थयरेणं पण्णवियं तहा चेव अदीण मणसाओ माया-मय-अहंकार-ममाकार (इ) रतिहास-खेड्डु-कंदप्प - णाहवाय- विप्पमुक्काओ तस्सायरियस्स सगा सामण्णमणुचरंति । ते य साहुणो सव्वे वि गोयमा ! न तारिसे मणागा । अहण्णया गोयमा ! ते साहुणो तं आयरियं भांति जहा- 'जइ णं भयवं ! तुमं आणवेहि, ता णं अम्हेहिं तित्थयरजत्तं करिय चंदप्पह- सामियं वंदिय धम्म-चक्कं गंतूणमागच्छामो ताहे गोयमा ! अदीणमणसा अणुत्तावल' - गंभीर - महुराए भारतीए भणियं तेणायरिएणं जहा 'इच्छायारेणं ण कप्पइ तित्थजत्तं गंतुं सुविहियाणं ता जाव णं बोलेइ जत्त ताव णं अहं तुम्हे चंदप्पहं वंदावेहामि । अण्णं च जत्ताए गएहिं असंजमे पडिवज्जइ । एएणं कारणेणं तित्थयत्ता पडिसेहिज्जइ । ओहं भणियं जहा 'भयवं' ! केरिसो उण तित्थयत्ताए गच्छमाणाणं असंजमो भवइ ? 'सो पुण 'इच्छायारेणं' बिइज्ज - वारं एरिसं उल्लवेज्जा 'बहु-जणेणं वाउलगो भण्णिहिसि । ताहे गोयमा ! चिंतियं तेण आयरिणं जहा णं ममं वइक्कमिय निच्छयओ एए गच्छिहिंति, तेणं तु मए समयं चडुत्तरेहिं वयंति ।
१ सेऽवि गुंछेवण सं । २ बहु भेय वि. । ३ विहाणं ला. । ४ मणगो सु. सा. । ५ तित्थयरयत्तं ख. सं, तित्थजत्तं इति पाठ शुद्धो दृश्यते ला/ तित्थयर यत्तं शु. । ६ अणुत्तालगं जे. । ७ जुत्तं जे । ८ चदुत्तेरहिं जे. / चट्टुत्तरे वं. ।
For Private
Personal Use Only
Jain Education International
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |