________________
महानिसीह-सुय-खंधं
७७
जत्थ य गोयम ! साहू अज्जाहिं समं ५०म्मि अटूणा। अववाएण वि गच्छेज्ज तत्थ गच्छम्मि का मेरा? ॥८१॥ जत्थ य ति-सट्ठि-भेयं चक्खूरागग्गु दीरणिं साहू। अज्जाओ निरिक्खेज्जा तं गोयम ! केरिसं गच्छं ॥८२॥ जत्थ य अज्जा लद्धं पडिग्गहमादि-विविहमुवगरणं । परिभुज्जइ साहूहिं तं गोयमा ! केरिसं गच्छं ॥८३॥ अइदुलहं भेसज्ज बल-बुद्धि-विवद्धणं पि पुट्ठिकरं । अज्जा लद्धं भुजइ, का मेरा तत्थ गच्छम्मि ? ॥८४।। सोऊण गई सुकुमालियाए तह ससग-भसग-भइणीए । ताव ण वीससियव्वं सेयट्ठी धम्मिओ जाव ।।८५।। दढचारित्तं मोत्तुं आयरियं मयहरं च गुण-रासिं। अज्जा अज्झावेई तं अणगारं ण तं गच्छं ।।८६।। घण-गज्जिय-हय-कुहुकुहुय-विज्जु-दुगेज्झ-मूढ-हिययाओ। होज्जा वावारियाओ' इत्थी रज्जं न तं गच्छं ।।८७॥ पच्चक्खा सुयदेवी तव-लद्धीए सुराहिव-णुया वि। जत्थ रिएज्जेक्कज्जा इत्थी-रज्जं न तं गच्छं ॥८॥ गोयम ! पंच-महव्वय गुत्तीणं तिण्हं पंच-समईणं। दस-विह-धम्मस्सेक्कं कहवि खलिज्जइ न तं गच्छं ॥८९।। दिण-दिक्खियस्स दमगस्स अभिमुहा अज चंदणा अज्जा । णेच्छइ आसण-गहणं सो विणओ सव्व-अज्जाणं ॥९०॥ वास-सय-दिक्खियाए राज्जाए अज्ज-दिक्खिओ साहू। भत्तिब्भर-निब्भराए वंदण-विणएण सो पुज्जो ॥९१।। अज्जिय-लाभे गिद्धा सएण लाभेण जे असंतुट्ठा । भिक्खायरिया-भग्गा अन्नियउत्तं गिराहिति ॥९२।। गय-सीस-गणं ओमे भिक्खायरिया-अपच्चलं थेरं । गणिहिंति न ते पावे अज्जियलाभं गवसंता ॥९३।। ओमे सीस-पवासं अप्पडिबद्धं अजंगमत्तं च । न गणेज्ज एगखित्ते गणेज्ज वासं णिययवासी ॥९॥ आलंबणाण भरिओ लोओ जीवस्स अजउकामस्स। जं जं पेच्छइ लोए तं तं आलंबणं कुणइ ॥९५।। जत्थ मुणीण कसाए चमढिज्जंतेहिं पर-कसाएहिं। णेच्छेज्ज समुठेउं सुणिविट्ठो पंगुलो व्व तयं गच्छं ।।९६॥ धम्मंतराय-भीए भीए संसार-गब्भ-वसहीणं । णोदीरिज्ज कसाए मुणी मुणीणं तयं गच्छं ।।९७॥
१ रागाग्गि दीर सा. । २ पाडिग्गहं दंडादि रवं. । ३ "तं धम्मं मोत्तुं ला. । ४ज्जा वट्टावेई जि. रवं. । ज्जावज्झा ख.। ५ होज्ज वावारि जि., सीस गणं ओम । ६ सीस गच्छं ओ. ला. । ७ अयंग ख. सं. ला. । ८ णिया वासी (णियणिया वासी) जे. शु. । ९ विमद्दिजंतेहिं
पर ला.। Jain Education International For Private & Personal Use Only
www.jainelibrary.org
