________________
७
महानिसीह-सुय-खंधं १.५
सील-तव-दाण भावण-चउविह धम्मंतराय-भय-भीए। जत्थ बहू गीयत्थे गोयम ! गच्छं तयं वासे ॥९८।। जत्थ य कम्मविवागस्स चेट्ठियं चउगईए जीवाणं । णाऊण महवरद्धे दि नो पकुप्पंति तं गच्छं ।।९९॥ जत्थ य गोयम ! पंचण्ह कहवि सणाण एक्कमवि होज्जा। तं गच्छं तिविहेणं वोसिरिय वएज्ज अन्नत्थ ॥१०॥ सूणारंभ-पवित्तं गच्छं वेसुज्जलं च ण वसेज्जा। जं चारित्त-गुणेहिं तु उज्जलं तं निवासेज्जा ॥१०१।। तित्थयरसमे सूरी दुज्जय-कम्मट्ठ-मल्ल-पडिमल्ले । आणं अइक्कमंते ते का पुरिसे न सप्पुरिसे ॥१०२॥ भट्ठायारो सूरी भट्ठायाराणुवेक्खओ सूरि। उम्मग्ग-ठिओ सूरी तिनि वि मग्गं पणासेंति ॥१०३।। उम्मग्गए-ठिए सूरिम्मि निच्छियं भव्व-सत्त-संघाए। जम्हा तं मग्गमणुसरंति तम्हा ण तं जुत्तं ।।१०४॥ एक्कं पि जो दुहत्तं सत्तं परिबोहिउं ठवें मग्गे। ससुरासुरम्मि वि जगे तेणेहं घोसियं अमाघायं ॥१०५।। भूए अत्थि भविस्संति केई जग-वंदणीय-कम-जुगले। जेसिं परहिय-करणेक्क-बद्ध-लक्खाण वोलिही कालं ॥१०६।। भूए अणाइ-कालेण केई होहिंति गोयमा ! सूरि । नामग्गहणेण वि जेसिं होज्ज नियमेण पच्छित्तं ॥१०७।। एयं गच्छ-ववत्थं दुप्पसहाणंतरं तु जो खंडे। तं गोयम ! जाण गणिं निच्छयओऽणंत-संसारी ॥१०८।। जं सयल-जीव-जग-मंगलेक्क-कल्लाण-परम-कल्लाणे। सिद्धि-पहे वोच्छिण्णे पच्छित्तं होइ तं गणिणो ॥१०९।। तम्हा गणिणा सम-सत्तु-मित्त-पक्खेण परहिय-रएणं । कल्लाण-कंखुणा अप्पणो य आणा ण लंघेया ॥११०॥ एवं मेरा णं लंघेयव्व त्ति।
[१०] एयं गच्छ-ववत्थं लंघेत्तु ति -गारवेहिं पडिबद्धे। संखाईए गणिणो अज्ज वि बोहिं न पाविंति ॥१११॥ ग तभेहिति य अन्ने अणंत-हुत्तो वि परिभमंतेत्थं । चउ-गइ-भव-संसारे चेद्वेज्ज चिरं सुदुक्खत्ते ॥११२॥ चोद्दस-रज्जू-लोगे गोयम ! वालग्ग-कोडिमेत्तं पि। तं नत्थि पएसं जत्थ अणंत-मरणे ण संपत्ते ॥११३।।
१ भव भीए ला./ जि. । २ जत्थे ला. । ३ समो सूखं. । ४ निच्छयं वं. सं. जि. । ५ ठविय ला. । ६ पए ख. । ७ तु णगा शु.।
८°णे न संपत्तो सं.। Jain Education International For Private & Personal Use Only
www.jainelibrary.org
