________________
७६
महानिसीह-सुय-खंधं .५
इ (र) ति-हास-खेड्डु-कंदप्प-णाह-वादं ण कीरए जत्थ । धोवण-डेवण-लंघण ण मयार-जयार-उच्चरणं ॥६४॥ जत्थित्थी-कर-फरिसं अंतरियं कारणे वि उप्पण्णे। दिट्ठीविस-दित्तग्गी-विसं व वज्जिज्जइ स गच्छो ॥६५॥ जत्थित्थी-कर-फरिसं लिंगी अरहा वि सयमवि करेज्जा। तं निच्छयओ गोयम ! जाणिज्जा मूल-गुण-बाहा ॥६६॥ मूल-गुणेहिं उ खलियं बहु-गुण-कलियं पि लद्धि-संपन्न। . उत्तम-कुले वि जायं निद्धाडिज्जइ जहिं तयं गच्छं ।।६७।। जत्थ हिरण्ण-सुवण्णे धण-धन्ने कंस-दूस-फलहाणं। सयणाण आसणाण य न य परिभोगो तयं गच्छं ॥६८॥ जत्थ हिरण्ण-सुवण्णं हत्थेण परागयं पि नो च्छिप्पे । कारण-समप्पियं पि हु खण-निमिसद्धं पि तं गच्छं ॥६९।। दुद्धर-बंभव्वय-पालणट्ठ अज्जाण चवल-चित्ताणं । सत्त सहस्सा परिहार-ट्ठाण वी जत्थत्थि तं गच्छं॥७॥ जत्थुत्तरवडपडिउत्तरेहिं अज्जाओ साहुणा सद्धिं । पलवंति सुकुद्धा' वी गोयम ! किं तेण गच्छेणं ? |७१।। जत्थ य गोयम ! बहु विहविकप्प-कल्लोल-चंचल-मणाणं । अज्जाणमणुट्ठिज्जइ भणियं तं केरिसं गच्छं ? ॥७२॥ जत्थेक्कंग-सरीरो साहू अह साहूणि व्व हत्थ-सया। उडुं गच्छेज्ज बहिं गोयम ! गच्छम्मि का मेरा ? ॥७३॥ जत्थ य अज्जाहि समं संलावुल्लाव-माइ-ववहारं । मोत्तुं धम्मुवएस गोयम ! तं केरिसं गच्छं? ॥७४|| भयवमणियत्त-विहारं, नियय-विहारं ण ताव साहूणं । कारण नीयावासं जो सेवे तस्स का वत्ता ? ॥७५॥ निम्मम-निरहंकारे उज्जुत्ते नाण-दसण-चरित्ते। सयलारंभ-विमुक्के अप्पडिबद्धे स-देहे वि ॥७६॥ आयारमायरंते एगक्खेत्ते वि गोयमा ! मुणिणो। वास-सयं पि वसंते गीयत्थेऽऽराहगे भणिए ॥७७।। जत्थ समुद्देस-काले साहूणं मंडलीए अज्जाओ। गोयम ! ठवंति पादे इत्थी-रज्जं, न तं गच्छं ॥७८।। जत्थ य हत्थ-सए वि य रयणीचारं चउण्हमूणाओ। उड्ड दसण्णमसइं करेंति अज्जाउ णो तयं गच्छं ॥७९॥ अववाएण वि कारण-वसेण अज्जा चउण्हमूणाओ। गाऊयमवि परिसक्कंति जत्थ तं केरिसं गच्छं॥८॥
१ संपुन्नं जे. । २ हुणो सं. । ३ स कुद्धा सं, सकुट्ठावी जे. । ४ बहु विकप्प जे. । ५ ण भाव साजे. । Jain Education International
For Private & Personal Use Only
www.jainelibrary.org
