Page Text
________________
५४
महानिसीह-सुय-खंधं .३
वा महासम्माणो कायव्वो। (२) एयावसरम्मि सुविइय-समय-सारेणं गुरुणा पबंधेणं अक्खेव-विक्खेवाइएहिँ पबंधेहिं संसार-णिव्वेय-जणणिं सद्धा संवेगुप्पायगं धम्म-देसणं कायव्वं । (३) तओ परम-सद्धा-संवेगपरं नाऊणं आजम्माभिग्गहं च दायव्वं । जहा णं (४) सहलीकयसुलद्ध-मणुय भव, भो भो देवाणुप्पिया ! (५) तए अज्जप्पभितीए जावज्जीवंति-कालियं अणुदिणं अणुत्तावलेगग्गचित्तेणंचेइएवंदेयव्वे। (६) इणमेव भो मणुयत्ताओ
सय-खणभंगुराओ सारं ति । (७) तत्थ पुव्वण्हे ताव उदग-पाणं ण कायव्वं, जाव चेइए साहू यण वंदिए। (८) तहा मज्झण्हे ताव असण-किरियं ण कायव्वं, जाव चेइए ण वंदिए। (९) तहा अवरण्हे चेव तहा कायव्वं, जहा अवंदिएहिं चेइएहिं णो संझायालमइक्कमेज्जा' । (१०) एवं चाभिग्गहबंधं काऊणं जावज्जीवाए, ताहे य गोयमा ! इमाए चेव विज्जाए अहिमंतियाओ सत्त-गंध-मुट्ठीओ तस्सुत्तमंगे 'नित्थारग पारगो भवेज्जासि !' त्ति उच्चारेमाणेणं गुरुणा घेतव्वाओ । 'अ ओ म् । ण म् ओ । भगवओ अरहओ । स् इ ज्झ उ । म् ए । भगवती । महा वि ज् ज् आ । व् ई र ए । म ह आ व् ई र ए। ज य व् ई र ए स् ए ण् अ व् ई र ए । वद्ध म् आ ण व् ई र ए । ज य अंत् ए । अ पर आ ज् इ ए । स् व् आ हा । [ओम् नमो भगवओ अरहओ ! सिज्झउ मे भगवती महाविज्जा, वीरे महावीरे जयवीरे, सेणवीरे, वद्धमाणवीरे जयंते अपराजिए ! स्वाहा] उपचारो चउत्थभत्तेणं साहिज्जइ । एयाए विज्जाए सव्वगओ नित्थारगपारगो होइ। उवट्ठावणाए वा गणिस्स वा अणुण्णाए वा सत्त वारा परिजवेयव्वा । (१६) नित्थारग-पारगो होइ । उत्तिमट्ठ-पडिवण्णे वा अभिमंतिज्जइ आराहगो भवति। विग्घविणायगा उवसमंति । सूरो संगामे पविसंतो अपराजिओ भवति । कप्प-समत्तीए मंगलवहणी खेमवहणी हवइ।
[३०] (१) तहा साहु-साहुणि-समणोवासग-सड्विगाऽसेसा-सण्ण-साहम्मियजण-चउव्विहेणं पि समण-संघेणं 'नित्थारग-पारगो भवेज्जा' धण्णो संपुण्ण-सलक्खणो सि तुम' । ति उच्चारेमाणेणं गंध-मुट्ठीओ घेतव्वाओ। (२) तओ जग-गरूणं जिणिंदाणं पएग-देसाओ गंधवाऽमिलाण-सियमल्लदामं गहाय स-हत्थेणोभय-खं धेसुमारोवयमाणेणं गुरुणा णीसंदेहमेवं भाणियव्वं, जहा । (३) 'भो भो जम्मंतर-संचिय-गुरुय-पुण्ण-पब्भार सुलद्ध-सुविढत्त-सुसहल-मणुयजम्मं ! देवाणुप्पिया! ठइयं च णरय-तिरिय-गइ-दारं तुझं ति। (४) अबंधगो य अयस-अकित्ती-णीया-गोत्त-कम्म-विसेसाणं तुमं ति, भवंतर-गयस्सा वि उण दुलहो तुज्झ पंच नमोक्कारो,। (५) भावि-जम्मंतरेसु पंच-नमोक्कार-पभावाओं य जत्थ जत्थोववज्जेज्जा तत्थ तत्थुत्तमा जाई उत्तमं च कुल-रूवारोग्ग-संपयं ति, एयं ते निच्छयओ भवेज्जा । (६) अण्णं च पंचनमोक्कार-पभावओ ण भवइ दासत्तं ण दारिद्द-दूहग-हीणजोणियत्तं ण विगलिंदियत्तं' ति । (७) किं बहुएणं ? गोयमा ! जे केइ एयाए विहीए पंच-नमोक्कारादि-सुयणाण-महीएत्ताण तयत्थाणुसारेणं पयओ सव्वावस्सगाइ णिच्चाणुट्ठणिज्जेसु अट्ठारस-सीलंगसहस्सेसुं अभिरमेज्जा, से णं सरागत्ताए जइ णं ण° निव्वुडे । (८) तओ गेवेज्जऽणुत्तरादीसुं चिरमभिरमेऊणेहउत्तम-कुलप्पसूई उक्किट्ठलट्ठसव्वंगसुंदरत्तं सव्व-कला-पत्तट्ठ-जणमणाणंदयारियत्तणंच पाविऊणं (९) सुरिंदे विव महरिद्धीए एगतेणं च दयाणुकंपापरे, णिव्विण्ण-काम-भोगे सद्धम्ममणुढेऊणं विहुय-रय-मले सिज्झेज्जा।
(१) से भयवं! किं जहा पंचमंगलं तहा सामाइयाइयमसेसं पि सुय-नाणमहिज्जिणेयव्वं ? (२) गोयमा!
१ निक्खे. आ. सु. खं. ला. । २ गुस्स भवा ! आ. णुस भव ! ३ णा खेत्त आ. सु । ४ य गुरु गुरु पुं सं. । ५ द्धसंवि खं. । ६ भावओ आ. सु. खं. सं. ला. । ७ दासत्तणं, ण सं. । ८ दोहण आ. सु. ९ महिजित्ता णं आ. सु. । १० स निव्वुशु. । ११ सुरिंदोवमरिद्धी खं. सं. ला. । सुरिंदोवमाए रिद्धी आ. सु. ।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |