Page Text
________________
महानिसीह-सुय-खंधं अ.३
सुर-लोए नेऊणं, आलिंपेऊण पवर-चंदण-रसेणं । मंदार-पारियायय-सयवत्त-सहस्सपत्तेहिं ॥१०५॥ जह अच्चेऊणं सुरा निय-निय-भवणेसु, जह व य थुणंति । तं सव्वं महया वित्थरेण अरहंत-चरियाभिहाणे। अंतकडदसाणंत-मज्झाओ कसिणं विन्नेयं ॥१०६।।
[२४] एत्थं पुण जं पगयं तं मोत्तुं जइ भणेह तावेयं । हवइ असंबद्धगुरुयं गंथस्स य वित्थरमणंतं ॥१०७।। एयं पि अपत्थावे सुमहंतं कारणं समुवइस्स। जं वागरियं तं जाण भव्व-सत्ताण अणुग्गहट्ठाए ॥१०८॥ अहवा' जत्तो जत्तो भक्खिज्जइ मोयगो सुसंकरिओ। तत्तो तत्तो वि जणे अइगरुयं माणसं पीइं ॥१०९॥ एवमिह अपत्थावे वि भत्ति-भर-निब्भराण परिओसं । जणयइ गरुयं जिण-गुण-गहणेक्क-रसक्खित्त-चित्ताणं ॥११०॥
[२५] (१) एयं तु जं पंचमंगल-महासुयक्खंधस्स वक्खाणं तं महया पबंधेणं अणंत-गम-पज्जवेहिं सुत्तस्स य पिहब्भूयाहिं निज्जुत्ती-भास-चुण्णीहिं जहेव अणंत-नाण-दसण-धरेहिं तित्थयरेहिं वक्खाणियं, तहेव समासओ वक्खाणिज्जं तं आसि (२) अहण्णया काल-परिहाणि-दोसेणं ताओ निज्जुत्ती-भास चुण्णीओ वोच्छिण्णाओ (३) इओ य वच्चंतेणं काल समएणं महिड्डी-पत्ते पयाणुसारी वइरसामी नाम दुवालसंगसुयहरे समुप्पण्णे (४) तेणे यं पंच-मंगल-महा-सुयक्खंधस्स उद्धारो मूल-सुत्तस्स मज्झे लिहिओ (५) मूलसुत्तं पुण सुत्तत्ताए गणहरेहिं, अत्थत्ताए अरहंतेहिं, भगवंतेहिं, धम्मतित्थंकरेहिं, तिलोग-महिएहिं, वीर-जिणिंदेहिं, पण्णवियं ति (६) एस वुड्डसंपयाओ (७) एत्थ य जत्थ जत्थ पयं पएणाऽणुलग्गं सुत्तालावगं ण संपज्जइ, तत्थ तत्थ सुयहरेहिं कुलिहिय-दोसो ण दायव्वो त्ति (८) किंतु जो सो एयस्स अचिंत-चिंतामणी-कप्पभूयस्स महानिसीह-सुयक्खंधस्स पुव्वायरिसो आसि, तहिं चेव खंडाखंडीए उद्देहियाइएहिं हेऊहिं बहवे पण्णगा' परिसडिया । (९) तहा वि 'अच्चंत-सुमहत्थाइसयं ति इमं महानिसीह-सुयक्खधं कसिण-पवयणस्स परम-सार-भूयं परं तत्तं महत्थं ति कलिऊणं (१०) पवयण-वच्छल्लत्तणेणं बहु-भव्व-सत्तोवयारियं च काउं, तहा य आय-हियट्ठयाए आयरियहरिभद्देणं जं तत्थाऽऽयरिसे दिटुं तं सव्वं स-मतीए साहिऊणं लिहियं ति (११) अन्नेहिं पि सिद्धसेण दिवाकरवुड्डवाइ-जक्खसेण-देवगुत्त-जसवद्धण-खमासमण-सीस-रविगुत्त-णेमिचंद-जिणदासगणि-खमग-सच्चरिसिपमुहेहिं जुगप्पहाण-सुयहरेहिं बहुमण्णियमिणं ति।
(१) ‘से भयवं ! एवं जहुत्तविणओवहाणेणं पंचमंगल-महासुयक्खंधमहिज्जित्ताणं पुव्वाणुपुव्वीए, पच्छाणुपुव्वीए, अणाणुपुव्वीए, सर-वंजण-मत्ता-बिंदु-पयक्खर-विसुद्धं थिर-परिचियं काऊणं, महया पबंधेणं सुत्तत्थं च विन्नाय, तओ य णं किमहिज्जेज्जा ?' (२) गोयमा ! इरियावहियं । (३) 'से भयवं ! केणं अटेणं एवं वुच्चइ, जहा.णं पंचमंगल-महासुयक्खंधमहिज्जित्ता णं पुणो इरियावहियं अहीए ?' (४) गोयमा! जे एस आया से णं जया गमणाऽगमणाइ परिणए अणेग-जीव-पाण-भूय-सत्ताणं अणोवउत्त-पमत्ते संघट्टण
१ भणेज आ. सु । २ जह वा। ३ पत्ता परि ला. । ४ सच्चसिरि प आ. सं। ५ परिणाइपरि खं. स. इ परिणाम परिणए आ.।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |