________________
महानिसीह-सुय-खंधं अ.३
जम्मंतर-संचिय-गरुय-पुण्ण-पब्भार-संविढत्तेण । माणस-जम्मेण विणा णो लब्भइ उत्तमं धम्मं ॥७१॥ जस्साणुभावओ सुचरियस्स निस्सल्ल' डंभरहियस्स। लब्भइ अउलमणंतं अक्खय-सोक्खं तिलोयग्गे ॥७२।। तं बहु-भव-संचिय-तुंग-पाव-कम्मट्ठ-रासि-दहणटुं । लद्धं माणुस-जम्मं विवेगमादीहिं संजुत्तं ।।७३॥ जो ण कुणइ अत्तहियं सुयाणुसारेण आसवनिरोहं । छ-त्तिग-सीलंग-सहस्स-धारणेणं तु अपमत्ते ॥७४।। सो दीहर-अव्वोच्छिन्न-घोर-दुक्खग्गि-दाव-पज्जलिओ। उव्वेविय संतत्तो, अणंतहुत्तो सुबहुकालं ।।७५।। दुग्गंधाऽमेज्झ-चिलीण-खार-पित्तोज्झ-सिंभ-पडहच्छे । वस-जलुस-पूय-दुद्दिण-चिलिच्चिल्ले रुहिर-चिक्खल्ले ॥७६।। कढ-कढ-कढंत चल-चल-चलस्स टल-टल-टलस्स रज्झंतो" संपिंडियंगमंगो जोणी-जोणी वसे गब्भे। एक्केक्क-गब्भ-वासेसु जंतियंगो पुणरवि भमेज्जा ॥७७।। ता संतावुव्वेग-जम्म-जरा-मरण-गब्भ-वासाई । संसारिय-दुक्खाणं विचित्त-रूवाण भीएणं ॥७८।। भावत्थवाणुभावं असेस-भव-भय-खयंकरं नाउं। तत्थेव महंता भुज्जमेणं दढमच्चंतं पयइयव्वं ॥७९।। इय विज्जाहर-किन्नर-नरेण ससुराऽसुरेण वि जगेण संथुव्वंते दुविहत्थवेहिं ते तिहुयणेक्कीसे गोयमा ! धम्मतित्थंकरे जिणे अरहते २ ॥८०॥त्ति
[२३] अह तारिसे वि इड्डी-पवित्थरे, सयल-तिहुयणाउलिए। साहीणे जग-बंधू मनसा वि ण जे खणं लुद्धे ।।८।। तेसिं परमीसरियं रूव-सिरी-वण्ण-बल-पमाणं च। सामत्थं जस-कित्ती सुर-लोग-चुए जहेह अवयरिए ।८२॥ जह काऊणऽण्ण-भवे उग्गतवं देवलोगमणुपत्ते ।।८।। तित्थयर-णाम-कम्मं जह बद्धं एगाइ-वीसइ-थामेसु ।। जह सम्मत्तं पत्तं सामण्णाराहणा य अण्ण-भवे ॥८४|| जह य तिसला उ सिद्धत्थ-घरिणी चोद्दस-महा-सुमिण-लंभं । जह सुरहि-गंध-पक्खेवगब्भ-वसहीए असुहमवहरणं ।।८।। जह सुरनाहो अंगुट्ठपव्वं णमियं महंत-भत्तीए । अमयाहारं भत्तीए देइ संथुणइ जाव य पसूओ ॥८६॥
१ गुरुय आ. सु. । २ ल दंभ आ. सु. । ३ मत्तु खं । ४ उच्चोव्येय संसत्तो आ. सु. । ५ पडिहत्थे आ. सु. । ६ चिल्लि चिले आ. सु. । ७ रज्जतो आ. सं. सं. । ८ विवित्त ला. । ९ महता उज्ज आ. सु. । १० संपुज्जते सं. । ११ यणुक्को से आ. सु./ त्रिभुवनैकेशा: लाटि.। १२ अरिहंते आ. सुखं. ला.। १३ तिसलाओ उप्पयणि चो सं.। १४ पव्वेणं आ. सुखं. । १५ तसत्तीए वं. सं. ला. ।
Jain Education International
For Private & Personal Use Only
www.jainelibrary.org
