________________
महानिसीह-सुय-खधं
कंचण-मणिसोमाणे थंभ-सहस्सूसिए सुवण्णतले। जो कारवेज्ज जिणहरे, तओ वि तव-संजमो अणंत-गुणो ॥५६॥ त्ति
- [२१] तव-संजमेण बह-भव-समज्जियं पाव-कम्म-मल-लेवं । निद्धोविऊण अइरा अणंत-सोक्खं वए मोक्खं ॥५७।। काउं पि जिणाययणेहिं मंडियं सव्वमेइणी-वढे । दाणाइ-चउक्केणं सुट्ठ वि गच्छेज्ज अच्चुयं, ण परओ ॥५८॥ गोयमा ! गिहि त्ति। जइ ता लवसत्तम-सुर-विमाणवासी वि परिवडंति सुरा । सेसं चिंतिज्जंतं संसारे सासयं कयरं ? ॥५९।। कह तं भण्णउ' सोक्खं सुचिरेण वि जत्थ दुक्खमल्लियइ। जं च मरणावसाणं सुथेव-कालीय-तुच्छं तु ? ॥६०॥ सव्वेण वि कालेणं जं सयल-णरामराण भवइ सुहं । तं ण घडइ सयमणुभूयमोक्ख-सोक्खस्सऽणंत-भागे वि ॥६१।। संसारिय-सोक्खाणं सुमहंताणं पि गोयमा ! णेगे। मज्झे दुक्ख-सहस्से घोर-पयंडेणुभुंजंति ॥६२॥ ताई च साय-वेओयएण ण याणंति मंदबुद्धीए। मणि-कणगसेलमयलोढ-गंगले जह व वणि-धूया ॥६३।। मोक्ख-सुहस्स उ धम्मं सदेव-मणुयासुरे जगे एत्थं । नो भाणिऊण सक्का, नगर-गुणे जहेव य पुलिंदो ॥६४॥ कह तं भण्णउ पुण्णं सुचिरेण वि जस्स दीसए अंतं । जं च विरसावसाणं, जं संसाराणुबंधिं च ॥६५।। तं सुर-विमाण-विहवं चिंतिय-चवणं च देवलोगाओ। अडवलियं चिय हिययं जंण वि सय-सिक्करं जाइ॥६६॥ नरएसु जाइं अइदूसहाई दुक्खाइं परम-तिक्खाई। को वण्णेही ताई जीवंतो वास-कोडिं पि? | ता गोयम ! दसविह-धम्म-घोर-तव-संजमाणुठाणस्स । भावत्थवमिति नामं तेणेव लभेज्ज अक्खयं सोक्खं ॥६७॥ ति
[२२] .
णारग-भव-तिरिय-भवे अमर-भवे सुरइत्तणे वा वि। नो तं लब्भइ गोयम ! जत्थ व तत्थ व मणुय-जम्मे ।६९।। सुमहऽच्चंत-पहीणेसु संजमावरण-नामधेज्जेसु। ताहे गोयम ! पाणी भावत्थय-जोगयमुवेइ ।।७०॥
१ वट्ट आ. सु. । २ भण्णइ सुरक्खं सं. । ३ सव्वेणं चिरका आ. सु. । ४ समयणुभू शु. । ५ ण यणंति आ. सु. । ६ गली ज आ. सु. । ७ तो भाणिउं ण आ. सु. रवं. सं. ला. । ८ "तियवयणं च. सु. ला. वं. । ९ अइसिक्काय चि य आ. सु. ला. / ण व सय सक्करं सु.। १० "दुस्सहा आ. सु.। ११ पणेई ताई जीतंतो रवं. रवं.। १२ तेणेय रवं. ला.।
Jain Education International
For Private & Personal Use Only
www.jainelibrary.org
