Page Text
________________
महानिसीह-सुय-खंधं
से णं महापाव-पावा, सेणं अपवित्ति त्ति ।
[१८] (१) एवं तु गोयमा ! चडुलत्ताए' भीरुत्ताए कायरत्ताए लोलत्ताए, उम्मायओ वा दप्पओ वा कंदप्पओ वा अणप्प-वसओ वा आउट्टियाए वा, (२) जमित्थियं संजमाओ परिभस्सिय, दूरद्धाणे वा गामे वा नगरेवा रायहाणीए वा, वेस-गहणं अच्छड्डिय-पुरिसेण सद्धिं वियम्मं समायरेज्जा, भूओ भूओ पुरिसं कामेज्ज वा
रमेज्ज वा अहा णं तमेव दोयत्थियं कज्जं, इइ परिकप्पेत्ता' णं तमाईवेज्जा, (३) तं चेव आईवमाणी पस्सियाणं ___ उम्मायओ वा, दप्पओ वा, कंदप्पओ वा, अणप्पवसओ वा, आउट्टियाए वा, (४) केइ आयरिए इ वा,
सामण्ण-संजए इ वा राय-संसिए इ वा, वाय-लद्धिजुत्ते इ वा, तवो-लद्धिजुत्ते इ वा, जोगचुण्णलद्धिजुत्ते इ वा, विण्णाणलद्धिजुत्ते इ वा, जुगप्पहाणे इ वा, पवयणप्पभावगे इ वा, (५) तमत्थियं अण्णं वा रामेज वा, कामेज्ज वा, अभिलसेज्ज वा, भुंजेज्ज वा, परिभुंजेज्जा वा जाव णं वियम्मं वा समायरेज्जा (६) से णं दुरंत-पंत-लक्खणे अहण्णे अवंदे अट्ठव्वे अपवित्ते अपसत्थे अकल्लाणे अमंगले निदंणिज्जे गरहणिज्जे खिंसणिज्जे कुच्छणिज्जे, (७) से णं पावे, से णं पाव-पावे, से णं महापावे-से णं महापाव-पावे से णं भट्ठ-सीले, से णं भट्ठायारे, से णं निभट्ठचारित्ते महा-पाव-कम्मकारी (८) जइ णं पायच्छित्तमभद्वेज्जा. तओणं मंदरतुंगेणं वरेणं सरीरेणं उत्तमेणं, संघयणेणं, उत्तमेणं पोरुसेणं, उत्तमेणं सत्तेणं, उत्तमेणं तत्त-परिण्णाणेणं उत्तमेणं वीरियसामत्थेणं, उत्तमेणं संवेगेणं उत्तमाए धम्म-सद्धाए, उत्तमेणं आउक्खएणं तं पायच्छित्तमणुचरेज्जा। (९) ते णं तु गोयमा ! साहूणं महाणुभागाणं अट्ठारस-परिहार-ट्ठाणाई णव-बंभचेर-गुत्तीओ वागरिज्जंति।
(१) से भयवं ! किं पच्छित्तेणं सुज्झेज्जा ? (२) गोयमा ! अत्थेगे जे णं सुज्झेज्जा । अत्थेगे जे णं नो सुज्झेज्जा (३) 'से भयवं! केणं अटेणं एवं वुच्चइ ?' । जहा णं गोयमा ! अत्थेगे जे णं सुज्झेज्जा, अत्थेगे जे णं नो सुज्झेज्जा । (४) गोयमा ! अत्थेगे जे णं नियडी-पहाणे सढ-सीले वंक-समायारे । से णं ससल्ले आलोइत्ताणं ससल्ले चेव पायच्छित्तमणुचरेज्जा । से णं अविसुद्ध-सकलुसासए णो सुज्झेज्जा (५) अत्थेगे जे णं उज्जू पद्धर-सरल-सहावे, जहा-वत्तं णीसल्लं नीसंकं सुपरिफुडं आलोइत्ताणं जहोवइ8 चेव पायच्छित्तमणुचिटेज्जा । से णं निम्मल-निक्कलुस-विसुद्धासए वि सुज्झेज्जा । (६) एतेणं अटेणं एवं वुच्चइ जहा णं गोयमा! अत्थेगे जे णं सुज्झेज्जा । अत्थेगे जे णं नो सुज्झेज्जा।
[२०] (१) तहा णं गोयमा ! इत्थीयं नाम पुरिसाणं अहमाणं सव्व-पाव-कम्माणं वसुहारा, तम-रय-पंक-खाणी सोग्गइ-मग्गस्स णं अग्गला, नरयावयारस्स णं समोयरण-वत्तणी २ (२) अभूमयं विसकंदलिं, अणग्गियं३ चडुलिं अभोयणं विसूइयं अणामियं वाहिं, अवेयणं मुच्छं, अणोवसग्गं ७ मारि अणियलिं१८ गुत्तिं, अरज्जुए पासे, अहेउए मच्चू, (३) तहा य णं गोयमा ! इत्थि-संभोगे पुरिसाणं मणसा विणं अणज्झवसणिज्जे, अपत्थणिज्जे, अणीहणिज्जे, अवियप्पणिज्जे, असंकप्पणिज्जे, अणभिलसणिज्जे, असंभरणिज्जे तिविहं तिविहेणं ति । (४) जओ णं इत्थियं नाम पुरिसस्स णं, गोयमा! सव्वप्पगारेसुं पि दुस्साहिय-विजं पि व दोसुप्पायणिं, सारंभ संजणगं पि व पुणो असंजमायरणं अपुठ्ठधम्मं, (५) खलियचारित्तं पिव अणालोइयं अणिंदियं अगरहियं अकय-पायच्छित्तज्झवसायं पडुच्च अणंत-संसार-परियट्टण-दुक्खसंदोहं
१ मा ! पुण्णता ला. । २ दूरट्ठाणे सं. । ३ पक्खिप्पेत्ता सं. । ४ वा रायलद्धि सं. रवं. १ । ५ रमेज्ज रवं. । ६ अपत्थिए रवं. २ । ७ मंदर तुरंगे रवं. ला. सं । ८ परिण्णत्तणेण ला. सं. । १.णं असल्ले सं. । १० उज्जुपरद्ध रवं. २, ला । ११ अग्गनारयाव सं. । १२ समोधरणव सु. । १३ अग्गणियं । १४ चुटुलिं सं. वं. चडुलिं सं. । १५ अभोयणिं वि. । १६ अचेयं वं. २ । १७ वसग्गिं मा रवं. २।१८ 'यलिं गुरवं. । १९ सारंभ संजोगं पि वरवं. २ सं. सारंभ संजणगं पिव अपुट्ठ खं. १ ला.।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |