________________
४२४
समवायंगसुत्ते ९६-९७-२८ ट्ठाणाई ।
[सू०९६
९६. एगमेगस्स णं रण्णो चाउरंतचक्कट्टिस्स छण्णउतिं छण्णउतिं गामकोडीओ होत्था ।
वायुकुमाराणं छण्णउई भवणावाससतसहस्सा पण्णत्ता ।
वावहारिए णं दंडे छण्णउतिं अंगुलाणि अंगुलपमाणेणं, एवं धणू नालिया जुगे अक्खे मुसले वि।
अभंतराओ आइमुहुत्ते छण्णउतिं अंगुलच्छाये पण्णत्ते ।
.९७.
९७. मंदरस्स णं पव्वतस्स पञ्चत्थिमिलातो चरिमंतातो गोथुमस्स णं १० आवासपव्वयस्स पञ्चस्थिमिल्ले चरिमंते एस णं सत्ताणउतिं जोयणसहस्साई अबाधाते अंतरे पण्णत्ते । एवं चउदिसि पि ।
अट्ठण्हं कम्मपगडीणं सत्ताणउतिं उत्तरपगडीतो पण्णत्तातो।
हरिसेणे णं राया चाउरंतचक्कवट्टी देसूणाई सत्ताणउतिं वाससयाई अगारमैज्झावसित्ता मुंडे भवित्ता णं अगारातो जाव पव्वतिते ।
९८. नंदणवणस्स णं उवरिलातो चरिमंतातो पंडयवणस्स हेट्टिले चरिमंते एस णं अट्ठाणउतिं जोयणसहस्साई अबाहाए अंतरे पण्णत्ते ।
मंदरस्स णं पव्वतस्स पञ्चत्थिमिल्लातो चरिमंतातो गोथुभस्स आवासपव्वतस्स पुरथिमिल्ले चरिमंते एस णं अट्ठाणउतिं जोयणसहस्साई अबाहाए अंतरे २० पण्णत्ते । एवं चउदिसिं पि ।
दाहिणभरहस्स णं धणुपट्टे अट्ठाणउतिं जोयणसयाई किंचूणाई आयामेणं पण्णत्ते।
१. वायकु जे०॥ २. वव हे १, २ ला २॥ ३. अभितरो मु०॥ ४. °मझे व हे २ मु०॥ दृश्यतां पृ० ३६३ पं०५॥ ५. "वेयङ्कस्स णमित्यादिः यः केचित् पुस्तकेषु दृश्यते सोऽपपाठः। सम्यक् पाठश्चायम्-दाहिणभरहड्डस्स णं धणुपट्टे अट्ठाणउई जोयणसयाई किंचूणाई आयामेणं पण्णत्ते इति"-अटी०॥
Jain Education International
For Private & Personal Use Only
www.jainelibrary.org
