Agam 04 Ang 04 Samvayanga Sutram Tika

SR No.: 001143
Original Sutra Author: N/A
Author: Abhaydevsuri, Jambuvijay
Publisher: Mahavir Jain Vidyalay
Publication Year: 2005
Total Pages: 566
Language: Prakrit, Sanskrit, Hindi, Gujarati
Classification: Book_Devnagari, Agam, Canon, Dictionary, G000, G015, & agam_samvayang
File Size: 42 MB

Page 523

९२
श्री हिमवदाचार्यनिर्मिता स्थविरावली
य थेरकप्पिया णिग्गंठा वासावासं णिवसंति । इइ ताणं सव्वाणं णिग्गंठाणं विभाइत्ता कयट्ठो भिक्खुरायणिवो कयंजलिपुडो बलिस्सहुमसाइ-सामजाइणं थेराणं णमंसित्ता जिणपवयणमउडकप्पपायस्स दिट्ठिवायस्स संगहट्ठा विण्णवेइ इइ तेणं णिवेणं चोइएहिं तेहिं थेरेहिं अज्जेहिं य अवसि, जिणपवयणं दिट्ठिवायं णिग्गंठगणाओ थोवं थोवं साहिइत्ता भुज-तालवक्कलाइपत्तेसु अक्खरसन्निवायोवयं कारइत्ता भिक्खुराय-णिवमणोरहं पूरित्ता अजसोहम्मुवएसियदुवालसंगीरक्खआ ते संजाया । समणाणं णिग्गंठाणं णिग्गंठीण य जिणपवयणसुलहबोहढें णं अज्जसामेहिं थेरेहिं य तत्थ पण्णवणा परूविया । उमसाइहिं य थेरेहिं तत्तत्थसुत्तं सणिज्जुइयं परूवियं। थेरेहिं य अजबलिस्सहेहिं य विजापवायपुव्वाओ अंगविजाइसत्थे परूविए । एसो णं जिणसासणप्पभावगो भिक्खुरायणिवो णेगे धम्मकज्जाणि किच्चा सुज्झाणोवेओ वीराओ णं तीसाहियतिसयवासेसु विइक्कंतेसु सग्गं पत्तो । तयणंतरं तस्स पुत्तो वक्करायो कलिंगाहिवो जिणसासणप्पभावगो वीराओ तीसयबावट्ठिवासेसु सुहंसुहेणं णियरजं पाउणित्ता धम्माराहणुज्जुत्तो सग्गं पत्तो । तओ णं तस्स पुत्तो विदुहरायो वि कलिंगाहिवचं पाउणित्ता जिणधम्मे गहियट्ठो णिगंठगणसंथुओ वीराओ णं तिसयपण्णवइवासेसु विइक्कतेसु सगं पत्तो । अहावंतीणयरम्मि संपइणिवस्स णिपुत्तस्स सग्गगमणंतरमसोगणिवपुत्ततिस्सगुत्तस्स बलमित्त-भाणुमित्तणामधिज्जे दुवे पुत्ते वीराओ दोसयचउणवइवासेसु विइक्तेसु रजं पत्ते । ते णं दुन्नि वि भाया जिणधम्माराहगे वीराओ चउवन्नाहियतिसयवासेसु विइक्कतेसु सगं पते । तयणंतरं बलमित्तस्स पुत्तो णभोवाहणो अवंतीरजे ठिओ । से वि य णं जिणधम्माणुगो वीराओ तिसयचउणवइवासेसु विइक्कतेसु सगं पत्तो । तओ तस्स पुत्तो गद्दहीविजोवेओ गद्दहिल्लो णिवो अवंतीणयरे रज पत्तो । अह धारावासम्मि णयरे वेरिसीहणामधिज्जस्स णिवस्स कालिगाभिखेदा(भिधो) कुमारो गुणायरणामणिग्गंठस्सोवएसं सुच्चा जिणधम्म पत्तो णिक्खमित्ता अणगारो जाओ । तस्स णं सरस्सइणामधिज्जा भइणी वि णिक्खमित्ता णिगंठी जाया । अहऽणंतरं विहारं कुणमाणे णिग्गंठ-णिगंठीगणोवेए ते दुन्नि वि भइणी भाया अवंतीणयरुज्जाणे समागए । तत्थ णं आसं खेलिजंतो गद्दहिल्लो णिवो समेओ । तत्थ णं से सरस्सइणिग्गंठीरूवमईव मणोहरं पासित्ता मयणबाणाक्कतो तां बलत्ताए घित्तूण णियंतेउरम्मि ठावइत्ता भुजेइ । कालिगज्जेहिं बहुपत्थिओ वि से दुब्भग्गो तां ण मुंचेइ । कोहाक्कतो कालिगजो तओ विहारं किच्चा सिंधुजणवए पत्तो । तत्थ णं रजं कुणमाणं सामंतणामधिजं सगरायं सुवण्ण-सिहित्ता वजहय-गयाइपयंडसेणोवेयं कालिगजो अवंतीणयरीसमीवे ठावेइ । गद्दहिल्लो वि णियसेणोवेओ बहिं समागओ । तत्थ णं भीसणे जुज्झे जायमाणे गद्दहिल्लो णिवो कालं किच्चा णेरइयातिहिओ जाओ । कालिगजो वि णियभइणिं सरस्सई आलोयणापुव्वं पुणो दिक्खिऊण तओ विहारं कुणमाणो कमेणं भरुअच्चे णयरे समागओ । तओ गद्दहिल्लणिवपुत्तो विक्कमक्कणामधिज्जो तं सामंतणामधिजं सगरायमाक्कम्म वीराओ दसाहियचउसयवासेसु विइक्कंतेसु अवंतीणयरे रजं पत्तो । से वि य णं