Agam 04 Ang 04 Samvayanga Sutram Tika

SR No.: 001143
Original Sutra Author: N/A
Author: Abhaydevsuri, Jambuvijay
Publisher: Mahavir Jain Vidyalay
Publication Year: 2005
Total Pages: 566
Language: Prakrit, Sanskrit, Hindi, Gujarati
Classification: Book_Devnagari, Agam, Canon, Dictionary, G000, G015, & agam_samvayang
File Size: 42 MB

Page 522

सप्तमं परिशिष्टम् ।
णं सत्तवीसाहियदोसयवासेसु विइक्तेसु मगहाहिवो कलिंगरजे ठिओ। तयणंतरं वीराओ दोसयाहियअउणचत्तारिवासेसु विइक्कतेसु मगहाहिवो असोअणिवो कलिंगं जणवयमाक्कम्म खेमरायं णिवं णियाणं मन्नावेइ, तत्थ णं से णियगुत्तसंवच्छरं पवत्तावेइ । तओ णं वीराओ दोसयपणहत्तरिवासेसु विइक्कतेसु खेमरायपुत्तो वुड्ढरायो जिणधम्माराहगो अईवसद्धालुओ कलिंगविसयाहिवो संजाओ। तेण वि तत्थ कुमर-कुमारीगिरिजुअलोवरि समणाणं णिग्गंठाणं णिगंठीणं य वासावासढ़ इक्कारस लेणा उक्किणाइया । तयणंतरं वीराओ णं तिसयवासेसु विइक्कतेसु वुड्रायपुत्तो भिक्खुरायो कलिंगाहिवो संजाओ । तस्स णं भिक्खुरायणिवस्स तिण्णि णामधिजे एवमहिज्जंति- एग णं णिगंठाणं भिक्खूणं भत्तिं कुणमाणो भिक्खुराय त्ति, दुन्नं णियपुव्वयाणुयमहामेहणामधिज्जगयवाहणत्ताए महामेहवाहण त्ति, तीयं णं तस्स सायरतडरायहाणित्ताए खारवेलाहिव त्ति । एसो णं भिक्खुरायो अईवपरक्कमजुओ गयाइसेणाकंतमहियलमंडलो मगहाहिवं पुष्फमित्तं णिवं अहिणिक्खित्ता णियाणम्मि ठाइत्ता पुन्वीं णंदणिवग्गहियुसभेस-सोवण्णपडिमं पाडलिपुत्ताओ पच्छा चित्तूण णियरायहाणिं संपत्तो । तयणंतरं तेण भिक्खूरायणिवेण तत्थ णं कुमरगिरितित्थे पुव्विं सेणियणिवेणं कारियं जिणपासायं पुणो उड्ड(ख)त्तए । सेवणं उसभजिणिंदस्स सोवण्णिया पडिमा अज्जसुहत्थीणं थेराणं अंतेवासिहिं सुट्ठियसुवडिवुड्डा(पडिबुद्धा)यरिएहिं पइट्ठाइया। पुव्विं णं दुवालसवासदुभिक्खे काले अजमहागिरिअजसुहत्थीणं थेराणमणेगे अंतेवासिया सुद्धाहारमलहिज्जमाणा तत्थ णं कुमरगिरिम्मि तित्थे कयाणसणा चत्तदेहा सग्गं पत्ता । पुव्विं तित्थयर-गणहर-परूवियं पवयणं वि बहुसो विणट्ठपायं णाऊण तेणं भिक्खुरायणिवेणं जिणपवयणसंगहढं जिणधम्मवित्थरटुं च संपइणिवु व्व समणाणं णिग्गंठाणं णिग्गंठीणं य एगा परिसा तत्थ कुमारीपव्वय-तित्थम्मि मेलिया । तत्थ णं थेराणं अजमहागिरीणमणुपत्ताणं बलिस्सह-बोहिलिंग-देवायरिय-धम्मसेण-नक्खत्तायरियाइ जिणकप्पितुलणत्तं कुणमाणाणं दुन्नि सया णिग्गंठाणं समागया । अजसुट्टिय-सुवडिवुड्ड(पडिबुद्ध)उमसाइ-सामजाइणं थेरकप्पियाणं वि तिन्नि सया णिग्गंठाणं समागया। अजापोइणीयाईणं अजाणं णिग्गंठीणं तिनि सया समेया । भिक्खुराय-सीचंद-चुण्णय-सेलगाइ समणोवासगाणं सत्त सया तत्थ समागया । भिक्खुरायणिवभज्जापुण्णमित्ताइसावियाण वि सत्त सया समागया । णियभज्जापुत्त-णत्तुअपभिइसमलंकियो भिक्खुराओ णं सव्वाणं णिग्गंठाणं णिग्गंठीण य नमंसित्ता एवं वयासी भो महाणुभावे ! अह तुम्हे वद्धमाणतित्थयरपरूवियधम्मप्पभावणवित्थरट्ठा णं सव्वपरक्कम्मत्ताए उज्जमह । इइ तेणुत्ता सव्वे वि णं णिगंठा णिग्गंठीओ य सम्मया । तयणंतरं लद्धटेणं तेणं भिक्खुरायणिवेणं णाणाविहभत्तिजुत्तेणं पूइया सक्कारि-सम्माणिया ते णं णिग्गंठा णिगंठीओ य मगह-महुरा-बंगाइ-जणवएसु तित्थयरपरूवियजिणधम्मप्पभावणट्ठा णिग्गया । तयणंतरं तेणं भिक्खुरायणिवेणं तत्थ कुमर-कुमारीगिरिजुयलुप्पिं जिणपडिमालंकिया णेगे लेणा उक्किणाइया । तत्थ णं जिणकप्पितुलत्तं कुणमाणा णिगंठा कुमारीगिरिलेणेसु वासावासं णिवसंति । कुमरगिरिम्मि