________________
षष्ठं परिशिष्टम् ।
पारियकाउस्सग्गो भत्तट्टितो (? द्वितओ) व अहव सज्झाए । निंतो व अइंतो वा एवं भे वायणं दाहं " ||७३६॥ 'बाढं' ति समणसंघो ‘अम्हे अणुयत्तिमो तुहं छंदं । देहि य, धम्मो(? म्मा)वाहं(? यं) तुम्हं छंदेण घेच्छामो ॥७३७।। जे आसी मेहावी उजुत्ता गहण-धारणसमत्था । ताणं पंचसयाई सिक्खगसाहूण गहियाइं ॥७३८॥ वेयावच्चगरा से एकेक्कसे (स्से)व उव्वि (ट्ठि)या दो दो । भिक्खम्मि अपडिबद्धा दिया य रत्तिं च सिक्खंति ॥७३९।। ते एगसंघसाहू वायणपडिपुच्छणाए परितंता । वाहारं अलहंता तत्थ य जं किंचि असणेता ॥७४०॥ उज्जुत्ता मेहावी सद्धाए वायणं अलभमाणा । अह ते थोवथो(त्थो) वा सव्वे समणा वि निस्सरिया ॥७४१॥ एको नवरि न मुंचति सगडालकुलस्स जसकरो धीरो । नामेण थूलभद्दो अविही(हिं) साधम्मभद्दो त्ति ॥७४२॥ सो नवरि अपरितंतो पयमद्धपयं च तत्थ सिक्खंतो । अन्नेइ भद्दबाहुं थिरबाहू अट्ठ वरिसाइं ॥७४३।। सुंदरअट्ठपयाइं अट्ठहिं वासेहिं अट्ठमं पुव्वं । भिंदति अभिण्णहियतो आमेलेउं अह पवत्तो ॥७४४।। तस्स वि दाई समत्तो तवनियमो एव भद्दबाहुस्स । सो पारिततवनियमो वाहरिउं जे अह पवत्तो ॥७४५॥ अह भणइ भद्दबाहू ‘पढमं ता अट्ठमस्स वासस्स । अणगार ! न हु किलम्मसि भिक्खे सज्झायजोगे य' ॥७४६।। सो अट्ठमस्स वासस्स तेण पढमिल्लयं समाभट्ठो । 'कीस य परितम्मीहं धम्मावाए अहिजंतो' ॥७४७।। एकं ता भे पुच्छं 'केत्तियमेत्तं मि सिक्खितो होजा ? । केत्तियमेत्तं च गयं ? अट्ठहिं वासेहिं किं लद्धं ?' ||७४८।। 'मंदरगिरिस्स पासम्मि सरिसवं निक्खिवेज जो पुरिसो । सरिसवमेतं विगयं मंदरमेत्तं च ते सेसं ' ॥७४९।। सो भणति एव भणिए ‘भीतो न वि ता अहं समत्थो मि । अप्पं च महं आउं बहू (य) सुयमंदरो सेसो' ॥७५०॥
Jain Education International
For Private & Personal Use Only
www.jainelibrary.org
