________________
[सू० १४६ ]
विपाकश्रुतवर्णनम् ।
फलविवागे आघविज्जति । से समासओ दुविहे पण्णत्ते, तंजहा- दुहविवागे चेव सुहविवागे चेव, तत्थ णं दह दुहविवागाणि, दह सुहविवागाणि ।
से किं तं दुहविवागाणि ? दुहविवागेसु णं [दुहविवागाणं] णगराई, चेतियाई, उज्जाणाइं, वणसंडा, रायाणो, अम्मापितरो, समोसरणाई, धम्मायरिया, धम्मकहातो, नरग (नगर) गमणाई, संसारपवंचदुहपरंपराओ य 5 आघविज्जंति, सेत्तं दुहविवागाणि ।
२४१
से किं तं सुहविवागाणि ? सुहविवागेसु सुहविवागाणं णगराई जाव धम्महातो, इहलोइयपारलोइया इड्डिविसेसा, भोगपरिच्चाया, पव्वज्जाओ, सुयपरिग्गहा, तवोवहाणाई, पडिमातो, संलेहणातो, भत्तपच्चक्खाणाई, पाओवगमणाई, देवलोगगमणाई, सुकुलपच्चायाती, पुण बोहिलाभो, 10 अंतकिरियातो य आघविज्जंति ।
दुहविवागेसु णं पाणातिवाय- अलियवयण - चोरिक्ककरण- परदारमेहुणससंगताए महतिव्वकसाय - इंदिय- प्पमाय - पावप्पओय - असुहज्झवसाणसंचियाणं कम्माणं पावगाणं पावअणुभागफलविवागा णिरयगतितिरिक्खजोणिबहुविहवसण-सयपरंपरापबद्धाणं मणुयत्ते वि आगताणं जह 15 पावकम्मसेसेण पावगा होंति फलविवागा वह वसणविणास - णासकण्णोद्वंगुट्ठ-कर-चरण-नहच्छेयण - जिब्भच्छेयण- अंजण-कडग्गिदाहणगयचलणमलण-फालण-उल्लंबण-सूल - लता -लउड - लट्ठिभंजण- तउ-सीसगतत्ततेल्लकलकलअभिसिंचण-कुंभिपाग- कंपण-थिरबंधण - वेह - वज्झकत्तणपतिभयकरकरपलीवणादिदारुणाणि अणोवमाणि, 20 बहुविविहपरंपराणुबद्धा ण मुच्वंति पावकम्मवल्लीए, अवेयइत्ता हु णत्थि मोक्खो, तवेण धितिधणियबद्धकच्छेण सोहणं तस्स वा वि होज्जा ।
दुख
तो य सुभविवागेसु सील- संजम नियम-गुण- तवोवहाणेसु साहुसु १. जेमू१ - हे २ - अटी० मध्येऽत्र 'नगरगमणाई' इति पाठः, अन्येषु तु हस्तलिखितादर्शेषु 'नरगगमणाई' इति पाठः, नन्दीसूत्रेऽपि अस्मिन्नेव वर्णने निरयगमणाई इत्येव पाठः ||
Jain Education International
For Private & Personal Use Only
www.jainelibrary.org
