________________
५४
तंदुलवेयालियपइण्णय (इत्थिसरीर-सभावाइ पडुच्च वेरग्गोवएसो) जाओ चिय इमाओ इत्थियाओ अणेगेहिं 'कइवरसहस्सेहिं विविहपासपडिबहिं कामरागमोहिएहि वन्नियाओ ताओ विय एरिसाओ, तं जहा-पगइविसमाओ पियरूसणाओ कतियवचडुप्परून्नातो अथक्कहसिय-भासिय-विलास-चीसंभ-पचू (च) याओ अविणयवातोलीओ मोहमहावत्तणीओ-विसमाओ पियवयणवल्लरीओ कइयवपेमगिरितडीओ अवराहसहस्सघरिणीओ ४, पभवो सोगस्स, विणासो बलस्स, सूणा पुरिसाणं, नासो लज्जाए, संकरो अविणयस्स, निलओ नियडीणं १० 'खाणी वइरस्स, सरीरं सोगस्स, भेओ मजायाणं, "आसओ रागस्स, निलओ दुचरियाणं १५, माईए 'सम्मोहो, खलणा नाणस्स, चलणं सीलस्स, विग्धो धम्मस्स, अरी साहूण २०, दूसणं आयारपत्ताणं, आरामो कम्मरयस्स, फलिहो मुक्खमग्गस्स, भवणं दारिद्दस्स २४ ॥१५४।।
अवि आई ताओ आसीविसो विव कुवियाओ, मत्तगओ विव मयणपरव्वसाओ, वग्घी विव दुहिययाओ, तणच्छन्नकूवो विव अप्पगासहिययाओ, मायाकारओ विव उवयारसयबंधणपओत्तीओ, आयरियसविधं पिव दुग्गेज्झसब्भावाओ ३०, फुफुया विव अंतोदहणसीलाओ, नग्गयमग्गो विव अणवट्ठियचित्ताओ, अंतोट्टवणो विव कुहियहिययाओ, कण्हसप्पो विव अविस्ससणिज्जाओ, संघारो विव छन्नमायाओ, संझब्भरागो विव मुहुत्तरागाओ, समुद्दवीचीओ विव "चलस्सभावाओ, मच्छो विव दुप्परियत्तणसीलाओ, वानरो विव १२चलचित्ताओ, मच्चू विव निव्विसेसाओ ४०,
१. कयवर° पु० ॥ २. °गमोहेहिं सा० पु० ॥ ३. DKएतच्चिह्नमध्यवर्ती
पाठो न व्याख्यातो वृत्तौ ॥ ४. अवक्कहसिय-भासिय-विलास-वीसंभभूयाओ सा० ॥ ५. °वातुली° सा० पु० ॥ ६. खणी वृ० । खाणी नरयस्स सं० ॥ ७. आसाओ वृ० । आसओ इति वृपा० ॥८. समूहो वृ० । ९. यायं तायो सं०॥ १०. आयरिसबिंब पिव सा० पु० ॥ ११-१२. चवल° सं० ॥
Jain Education International
For Private & Personal Use Only
www.jainelibrary.org
