________________
तंदुलवेयालियपइंण्णयं चत्तारि य कोडीओ सत्तेव य हुंति सयसहस्साई । अडयालीस सहस्सा चत्तारि सया य वरिसेणं ॥९६।। चत्तारि य कोडिसया सत्त य कोडीओ हुंति अवराओ। अडयाल सयसहस्सा चत्तालीसं सहस्सा य ॥९७॥ वाससयाउस्सेए उस्सासा एत्तिया मुणेयव्वा ।। पिच्छह आउस्स खयं अहोनिसं झिज्जमाणस्स ॥९८॥
(आउअवेक्खाए अणिच्चयापरूवणा) राइदिएण तीसं तु मुहुत्ता, नव सया उ मासेणं । हायंति पमत्ताणं, न य णं अबुहा वियाणंति ॥९९।। तिन्नि सहस्से सगले छ च सए उडुवरो हरइ आउ। हेमते गिम्हासु य वासासु य होइ नायव्वं ॥१०॥ वाससयं परमाउ एत्तो पन्नास हरइ निदाए। एत्तो वीसइ हायइ बालत्ते वुड्ढभावे य ॥१०१॥ सी-उण्ह-पंथगमणे खुहा पिवासा भयं च सोगे य । नाणाविहा य रोगा हवंति तीसाइ' पच्छद्धे ॥१०२॥ एवं पंचासीई नट्ठा, पन्नरसमेव जीवंति । जे होंति वाससइया, न य सुलहा वाससयजीवी ॥१०३।। एवं निस्सारे माणुसतणे जीविए अहिवडते । न करेह चरणधम्मं, पच्छा पच्छाणुतप्पिहिह ॥१०४।। घुटुम्मि सयं मोहे जिणेहिं वरधम्मतित्थमग्गस्स । अत्ताणं च न याणह इह जाया कम्मभूमीए ।।१०५॥ 'नइवेगसमं चवलं च जीवियं, जोव्वणं च कुसुमसमं । सोक्खं च जमनियत्तं तिन्नि वि तुरमाणभोजाई ॥१०६।। एयं खु जरा-भरणं परिक्खिवइ वग्गुरा व मिगजूहं ।
न य णं पेच्छह पत्तं सम्मूढा मोहजालेणं ॥१०७।। १. सइस सं०॥ २. "त्रिंशतः पश्चाद्धे, कोऽर्थः ? शेषत्रिंशतो मध्यात्
पञ्चदशवर्षाणि" इति वृत्तिकृतः ।। ३. °णुतप्पिहहा सा० पु० । °गुताहेहा बमू॥४. नयवे° सं.॥
-
Jain Education International
For Private & Personal Use Only
www.jainelibrary.org
