________________
.२८
तंदुलवेयालियपइण्मयं ते णं मणुया पगइभद्दया पगइविणीया पगइउवसंता पगइपयणुकोहमाण-माया-लोभा मिउ-मद्दवसंपन्ना अल्लीणा भद्दया विणीया अप्पिच्छा असन्नि-हिसंचया अचंडा असि-मसि-किसी-वाणिज्जविवज्निया विडिमंतरनिवासिणो इच्छियकामकामिणो गेहागाररुक्खकयनिलया पुढवि-पुप्फफलाहारा, ते णं मणुयगणा पण्णत्ता ॥६८।। ... (संपइकालीणमणुयाणं देह-संघयणाइहाणी धम्मियजणपसंसा य)
आसी य समणाउसो! पुब्वि मणुयाणं छविहे संघयणे । तं जहावज्जरिसहनारायसंघयणे १ रिसहनारायसंघयणे २ नारायसंघयणे ३ अद्धनारायसंघयणे ४ 'कीलियासंघयणे ५ छेवट्ठसंघयणे ६ । संपइ खलु आउसो ! मणुयाणं छेवढे संघयणे वट्टइ.॥६९।।
आसी य आउसो ! पुच्चि मणुयाणं छविहे संठाणे । तं जहा–समचउरंसे १ नग्गोहपरिमंडले २ 'सादि ३ खुज्जे ४ वामणे ५ हुंडे ६ । संपइ खलु आउसो ! मणुयाणं हुंडे संठाणे वट्टइ ।।७।।
संघयणं संठाणं उच्चत्तं आउयं च मणुयाणं । अणुसमयं परिहायइ ओसप्पिणिकालदोसेणं ॥७१।। कोह-मय-माय-लोभा उस्सन्नं वड्ढए मणुस्साणं ।
कूडतुल कूडमाणा तेणऽणुमाणेण सव्वं ति ॥७२।। . विसमा अज्ज तुलाओ, विसमाणि य जणवएसु माणाणि । विसमा रायकुलाई, तेण उ विसमाइं वासाइं ।।७३।। विसमेसु य वासेसुं हुंति असाराई ओसहिबलाई ।
ओसहिदुब्बल्लेण य आउं परिहायइ नराणं ।।७४॥ एवं परिहायमाणे लोए चंदु व्व कालपक्खम्मि । जे धम्मिया "मणुस्सा सुजीवियं जीवियं तेसि ।।७५।।
१. खीलिया° सं० ।। २. साति सं० ॥ ३. °ए य मणुयाणं सा० ॥ ४.
चंदो व्व सं० ।। ५. मणूसा सा० पु० ॥
Jain Education International
For Private & Personal Use Only
www.jainelibrary.org
