________________
तंदुलवेयालियपइण्णयं असि-मसिसारिच्छीणं कंतार-कवाड-चारयसमाणं । घोर-निउरंबकंदरचलंत-बीभच्छभावाणं ॥१६०॥ दोससयगागरीणं अजससयविसप्पमाणहिययाणं । कइयवपन्नत्तीणं ताणं अन्नायसीलाणं ॥१६१॥ अन्नं रयंति, अन्नं रमंति, अन्नस्स दिति 'उल्लावं । अन्नो कडयंतरिओ, अन्नो य पडतरे ठविओ ॥१६२॥ गंगाए वालुयं, सायरे जलं, हिमवतो य परिमाणं । उग्गस्स तवस्स गई, गब्भुप्पत्तिं च विलयाए ॥१६३॥ सीहे कुटुंबयारस्स पोट्टलं, "कुक्कुहाइयं अस्से । जाणंति बुद्धिमंता, महिलाहिययं न जाणंति ॥१६४।। एरिसगुणजुत्ताणं ताणं "कइ इव असंठियमणाणं । न हु भे वीससियव्वं महिलाणं जीवलोगम्मि ॥१६५।। निद्धन्नयं च खलयं, 'पुप्फेहि विवज्जियं च आरामं । निदुद्धियं च घेणुं, लोए वि अतेल्लियं पिंडं ॥१६६।। जेणंतरेण निमिसंति लोयणा, तक्खणं च विगसंति । तेणंतरेण 'हिययं चित्त (? चित) सहस्साउलं होइ ॥१६७।।
(उवएसाणरिहजणा) । जड्डाणं 'वड्डाणं निविण्णाणं च निव्विसेसाणं । संसारसूयराणं कहियं पि निरत्थयं होई ॥१६८॥
(पुत्त-पियाईणमताणतं) किं पुत्तेहिं ? पियाहि व ? अत्थेण व पिंडिएण बहुएणं? जो मरणदेस-काले न होइ आलंबणं किंचि ॥१६९।।
१. उल्लायं वृपा० ।। २. चवलवाए सं० ॥ ३. कुंडबुया° वृ० ॥ ४. °क्कुयाइ
सं० पु० ॥ ५. कत्थइ असंथियम सं०॥ ६. पुप्फेहि निपुफियं च सं०॥ ७. °ए च्चिय ते सं० ॥ ८. °ययं वियारसहसाउलं सापा० ॥ ९. वुढाणं सा० ॥१०. °ण विढप्पिएम ब°सा० ॥
Jain Education International
For Private & Personal Use Only
www.jainelibrary.org
