________________
महापच्चक्खाणपइणयं
(निवणा-गरहणा-आलोयणाओ) निंदामि निंदणिज्ज गरहामि य जं च मे गरहणिज्ज। आलोएमि य सव्वं जिणेहिं जं जं च पडिकुठं ॥ ८॥
( ममत्तछेयणं आयधम्मसरूवं च )
उवही सरीरगं चेव आहारं च चउव्विहं । ममत्तं सव्वदव्वेसु परिजाणामि केवलं ॥९॥ ममत्तं परिजागामि निम्ममत्ते उवढिओ। आलंबणं च मे आया अवसेसं च वोसिरे ॥१०॥ आया मज्झं नाणे आया मे दंसणे चरित्ते य । आया पच्चक्खाणे आया मे संजमे जोगे ॥११॥
( मूलुत्तरगुणाराहणापुव्वं निंदणाइपरूवणं)
मूलगुणे उत्तरगुणे जे मे नाऽऽराहिया पमाएणं । ते सव्वे निंदामि पडिक्कमे आगमिस्साणं ॥१२॥
( एगत्तभावणा)
एक्को हं नत्थि मे कोई, न चाहमवि कस्सई । एवं अदीणमणसो अप्पाणमणुसासए ॥१३॥ एक्को उप्पज्जए जीवो, एक्को चेव विवज्जई। एक्कस्स होइ मरणं एक्को सिज्झइ नीरओ ॥१॥
१. पडिसिद्ध सा।
Jain Education International
For Private & Personal Use Only
www.jainelibrary.org
