________________
ગાથા-૭૩
૫૦૫
આમ, જે જે દર્શનો આત્માને કર્મના કર્તા તરીકે નથી માનતાં, તે તે દર્શનોએ પોતાની માન્યતાના સમર્થન માટે કરેલી દલીલો શ્રીમદે ત્રણ ગાથા(૭૦-૭૩)માં શિષ્યની શંકારૂપે રજૂ કરી છે. સમ્યક્ નિર્ધાર થવા માટે કર્મસ્વભાવવાદ, પ્રકૃતિકતૃત્વવાદ, ઈશ્વરકર્તુત્વવાદ વગેરેને સરળ ભાષામાં ગૂંથી, કોઈ પણ દર્શનના નામનિર્દેશ વિના તેને શિષ્યમુખે રજૂ કરી, શ્રીમદ્ તેનું સચોટ સમાધાન હવેની ગાથાઓ (૭૪-૭૮)માં શ્રીગુરુમુખે રજૂ કરશે આ ગાથાની પાદપૂર્તિ કરતાં શ્રી ગિરધરભાઈ લખે છે –
માટે મોક્ષ ઉપાયનો, કરવો વૃથા વિચાર; બંધ નહિ તો મોક્ષ શો? ભાંતિ ન રહે લગાર. તપ જપ દાનાદિ તણો, કોઈ ન હેતુ જણાય; શા માટે દુઃખ વ્હોરવું, કરી કષ્ટ આ કાય. વળી વિશેષ વિચારતાં, આત્મામાં કોઈ કાળ; કર્મતણું કર્તાપણું, કાં નહિ એ જંજાળ. અનાદિથી જો એમ છે, તો કેમ મોક્ષ ઉપાય; માટે કર્તુત્વ કર્મનું, કાં નહિ, કાં નહિ જાય.૧
૧- ‘રાજરત્ન પૂ. શ્રી અંબાલાલભાઈ', પૃ.૨૩૨ (શ્રી ગિરધરભાઈ રચિત, ‘શ્રી આત્મસિદ્ધિ શાસ્ત્રની
પાદપૂર્તિ', ગાથા ૨૮૯-૨૯૨)
Jain Education International
For Private & Personal Use Only
www.jainelibrary.org
