________________
३५८
स्वोपज्ञलघुवृत्तिविभूषितं
एभ्यस्तदस्य प्रहरणमित्यर्थे टीकण् वा स्यात् । ऐष्टीकी , ऐष्टिकी ; ऐषीक: , ऐषिकः ॥६५॥
नास्तिका-ऽऽस्तिक-दैष्टिकम् ।६।४।६६॥ एते तदस्येत्यर्थे इकणन्ता निपात्यन्ते । नास्तिक: , आस्तिकः , दैष्टिक: ॥६६॥
वृत्तोऽपपाठोऽनुयोगे।६।४।६७॥ प्रथमान्तात् षष्ठचर्थे इकण् स्यात् , तच्चेदनुयोगविषये वृत्तोऽपपाठ: । ऐकान्यिक: ॥६७||
बहुस्वरपूर्वादिकः ।६।४।६८॥ बहुस्वरं पूर्वपदं यस्य तस्मात् प्रथमान्तात् षष्ठ्यर्थे इक: स्यात् , तच्चेत् परीक्षायां वृत्तोऽपपाठः । एकादशान्यिकः ॥६८||
भक्ष्यं हितमस्मै ।६।४।६९॥ प्रथमान्ताद् अस्मै इति चतुर्थ्यर्थे इकण् स्यात् , तच्चेत् भक्ष्यं हितम् । आपूपिक: ॥६९।।
नियुक्तं दीयते ।६।४।७०॥ प्रथमान्तात् चतुर्थ्यर्थे इकण् स्यात् , तच्चेत् नियुक्तमव्यभिचारेण नित्यं वा दीयते । आग्रभोजनिकः ॥७०।।
श्राणा-मांसौदनादिको वा ।६।४।७१॥ आभ्यां तदस्मै नियुक्तं दीयते इति विषये इको वा स्यात् । श्राणिका , श्राणिकी । मांसौदनिका , मांसौदनिकी ।।७१।।
भक्तौदनाद्वाऽणिकट् ।६।४।७२॥ आभ्यां यथासंख्यमण्-इकटौ वा स्याताम् , तदस्मै नियुक्तं दीयते इति विषये । भाक्तः , ओदनिकी ; भाक्तिक: , औदनिकः ।।७२।।
नवयज्ञादयोऽस्मिन् वर्तन्ते ।६।४।७३॥ एभ्य: प्रथमान्तेभ्यो वर्त्तन्ते इत्युपाधिभ्योऽस्मिन्निति सप्तम्यर्थे इकण् स्यात् । नावयज्ञिक: , पाकयज्ञिकः ।।७३।।
___ तत्र नियुक्ते ।६।४।७४॥
Jain Education International
For Private & Personal Use Only
www.jainelibrary.org
