________________
२०२
स्वोपज्ञलघुवृत्तिविभूषितं
वा स्युः । वेद , विदतु: , विदुः ; वेत्थ , विदथुः , विद ; वेद , विद्व , विद्म । पक्षे -वेत्तीत्यादि ।।११७॥
ब्रूगः पञ्चानां पञ्चाऽऽहश्च ।४।२।११८॥ ब्रूग: परेषां तिवादीनां पञ्चानां यथासंख्यं पञ्च णवादयो वा स्युः , तद्योगे ब्रूग आह् च । आह , आहतुः , आहुः , आत्थ , आहथुः । पक्षे -ब्रवीतीत्यादि ।।११८||
__ आशिषि तु-ह्योस्तातङ् ।४।२।११९॥ आशीरर्थयोस्तुह्योस्तातङ् वा स्यात् । जीवतात् , जीवतु ; जीवतात् , जीव त्वम् । आशिषीति किम् ? जीवतु ।।११९।।
आतो णव औः ।४।२।१२०॥ आत: परस्य णव औः स्यात् । पपौ ।।१२०।।
आतामाते-आथामाथे आदिः ।४।२।१२१॥ आत् परेषामेषाम् आत इ: स्यात् । पचेताम् , पचेते , पचेथाम् , पचेथे । आदिति किम् ? मिमाताम् ।।१२१॥
__यः सप्तम्याः ।४।२।१२२॥ आत् परस्य सप्तम्या याशब्दस्ये: स्यात् । पचेत् , पचेः ।।१२२।।
याम्-युसोरियमियुसौ ।४।२।१२३॥ आत् परयोर्याम्-युसोर्यथासंख्यमियमियुसौ स्याताम् । पचेयम् , पचेयु: ||१२३।। [इत्याचार्यश्रीहेमचन्द्रविरचितायां सिद्धहेमचन्द्राभिधानस्वोपज्ञशब्दानुशासनलघुवृत्तौ] चतुर्थस्याध्यायस्य द्वितीयः पादः समाप्तः ।।४।२।।
श्रीभीमपृतनोत्खातरजोभिर्वैरिभूभुजाम् । अहो! चित्रमवर्धन्त ललाटे जलबिन्दवः ।।१४।।
१. J3 मध्ये इतः परं 'नन्दतात् नन्द त्वम्' इत्यधिकः पाठः ।। २. समाप्तः पा२,३,४,५, J2,3, P3 विना नास्ति ।।
Jain Education International
For Private & Personal Use Only
www.jainelibrary.org
