________________
श्रीसिद्धहेमचन्द्रशब्दानुशासनम् ।
श्लिषः ।३।४।५६॥ श्लिषोऽनिटोऽद्यतन्यां सक् स्यात् । आश्लिक्षत् कन्यां मैत्र: । अनिट इत्येव-अश्लेषीत् ॥५६॥
नाऽसत्त्वाऽऽश्लेषे ।।४।५७॥ श्लिषोऽप्राण्याश्श्लेषार्थात् सक् न स्यात् । उपाश्लिषत् जतु च काष्ठं च । असत्त्वाऽऽश्लेष इति किम् ? व्यत्यश्लिक्षन्त मिथुनानि ॥५७||
णि-शि-द्रु-स्रु-कमः कर्तरि ङः ।३।४।५८॥ ण्यन्तात् श्र्यादेश्च कर्त्तर्यद्यतन्यां ङ: स्यात् । अचीकरत् , अशिश्रियत् , अदुद्रुवत् , असुस्रुवत् , अचकमत । कर्तरीति किम् ? अकारयिषातां कटौ मैत्रेण ।।५८॥
ट्धे-श्वेर्वा ।३।४।५९॥ आभ्यां कर्त्तर्यद्यतन्यां ङो वा स्यात् । अदधत् , अधात् ; अशिश्वियत् , अश्वत् । कर्त्तरीत्येव-अधिषातां गावौ वत्सेन ।।५९||
शास्त्यसू-वक्ति-ख्यातेरङ् ।३।४।६०॥ एभ्य: कर्त्तर्यद्यतन्यां अङ् स्यात् । अशिषत् , अपास्थत , अवोचत् , आख्यत् । कर्तरीत्येव-अशासिषातां शिष्यौ गुरुणा ॥६०।।
सर्त्यर्तेर्वा ।३।४॥६॥ आभ्यां कर्त्तर्यद्यतन्याम् अङ् वा स्यात् । असरत् , असार्षीत् ; आरत् , आर्षीत् ॥६॥
ह्वा-लिप्-सिचः ।३।४।६२॥ एभ्य: कतर्यद्यतन्याम् अङ् स्यात् । आह्वत् , अलिपत् , असिचत् ।।६२।।
वाऽऽत्मने ।३।४।६३॥ हादेः कर्त्तर्यद्यतन्यामात्मनेपदे वाऽङ् स्यात् । आह्वत , आह्वास्त ; अलिपत , अलिप्त ; असिचत , असिक्त ।।६३।।
लदिद्-धुतादि-पुष्यादेः परस्मै ।३।४।६४॥
१. गुरुणा P2 J3 विना नास्ति ।।
Jain Education International
For Private & Personal Use Only
www.jainelibrary.org
