________________
स्वोपज्ञलघुवृत्तिविभूषितं
गवि युक्ते ।३।२।७४॥ युक्तेऽर्थे गव्युत्तरपदेऽष्टनो दीर्घ: स्यात् । अष्टागवं शकटम् । युक्त इति किम् ? अष्टगुश्चैत्रः ।।७४।।
नानि ।३।२।७५॥ __ अष्टन उत्तरपदे संज्ञायां दीर्घः स्यात् । अष्टापद: कैलाशः । नाम्नीति किम् ? अष्टदंष्ट्रः ।।७५||
कोटर-मिश्रक-सिध्रक-पुरग-सारिकस्य वणे ।३।२।७६॥ एषां कृतणत्वे वने उत्तरपदे संज्ञायां दीर्घ: स्यात् । कोटरावणम् , मिश्रकावणम् सिध्रकावणम् , पुरगावणम् , सारिकावणम् ।।७६।।
अञ्जनादीनां गिरौ ।३।२।७७॥ एषां गिरावुत्तरपदे नाम्नि दीर्घ: स्यात् । अञ्जनागिरिः , कुक्कुटागिरिः ॥७७।।
अनजिरादिबहुस्वर-शरादीनां मतौ ।३।२।७८॥ अजिरादिवर्जबहुस्वराणां शरादीनां च मतौ प्रत्यये नाम्नि दीर्घः स्यात् । उदुम्बरावती , शरावती , वंशावती। अनजिरादीति किम् ? अजिरवती , हिरण्यवती ॥७८॥
ऋषौ विश्वस्य मित्रे ॥३॥२॥७९॥ ऋषावर्थे मित्रे उत्तरपदे विश्वस्य नाम्नि दीर्घः स्यात् । विश्वामित्रः ॥७९।।
नरे।३।२।८०॥ नरे उत्तरपदे नाम्नि विश्वस्य दीर्घः स्यात् । विश्वानरः कश्चित् ।।८०।।
वसु-राटोः ।३।२।८१॥ अनयोरुत्तरपदयोर्विश्वस्य दीर्घः स्यात् । विश्वावसुः , विश्वाराट् ।।८१।।
. वलच्यपित्रादेः ।३।२।८२॥ वलच्प्रत्यये पित्रादिवर्जानां दीर्घः स्यात् । आसुतीवल: । अपित्रादेरिति किम् ? पितृवलः , मातृवल: ।।८२।।
चितेः कचि ।३।२।८३॥ १. कैलासः पार J3 बृहद्वृत्तौ च ।।
Jain Education International
For Private & Personal Use Only
www.jainelibrary.org
