________________
स्वोपज्ञलघुवृत्तिविभूषितं
वे: परस्य स्तृसस्य समासे ष् स्यात् , नाम्नि । विष्टरो वृक्षः , विष्टरं पीठम् ।।२३।।
__ अभिनिष्टानः ।२।३।२४॥ अभि-निभ्यां स्तान: समासे कृतषत्वो निपात्यते नाम्नि । अभिनिष्टानो वर्ण: ॥२४॥
गवि-युधेः स्थिरस्य ।२।३।२५॥ आभ्यां परस्य स्थिरस्य सः समासे ष् स्यात् , नाम्नि । गविष्ठिरः , युधिष्ठिरः ॥२५॥
एत्यकः ।२।३।२६॥ कवर्जानाम्यादे: परस्य स एति परे समासे ष् स्यात् , नाम्नि । हरिषेण: , श्रीषेण: । अक इति किम् ? विष्वक्सेनः ।।२६।।
भादितो वा ।२।३॥२७॥ नक्षत्रवाचिन इदन्तात् परस्य स एति परे समासे ष् वा स्यात् , नाग्नि । रोहिणिषेण: , रोहिणिसेनः । इत इति किम् ? पुनर्वसुषेणः ॥२७||
वि-कु-शमि-परेः स्थलस्य ।२।३॥२८॥ एभ्यः परस्य स्थलस्य सः समासे ष् स्यात् । विष्ठलम् , कुष्ठलम् , शमिष्ठलम् , परिष्ठलम् ।।२८।।
__ कपेर्गोत्रे ।२।३।२९॥ कपे: परस्य स्थलस्य स: समासे ष् स्यात् , गोत्रे वाच्ये । कपिष्ठल ऋषि: ।।२९।।
गो-ऽम्बा-ऽऽम्ब-सव्या-ऽप-द्वि-त्रि-भूम्यग्नि-शेकु-शकु-क्वङ्गुमञ्जि-पुञ्जि-बर्हिः-परमे-दिवेः स्थस्य ।२।३॥३०॥
एभ्य: परस्य स्थस्य सः समासे ष् स्यात् । गोष्ठम् , अम्बष्ठ: , आम्बष्ठः , सव्यष्ठः , अपष्ठ: , द्विष्ठः , त्रिष्ठः , भूमिष्ठः , अग्निष्ठः , शेकुष्ठः , शङ्कुष्ठः , कुष्ठः , अङ्गुष्ठः , मञ्जिष्ठः , पुञ्जिष्ठः , बर्हिष्ठः , परमेष्ठः , दिविष्ठः ।।३०।।
निर्दुस्सोः सेध-सन्धि-सानाम् ।२।३॥३१॥
Jain Education International
For Private & Personal Use Only
www.jainelibrary.org
