________________
२००
बारसविहं तवो णिज्जरा य, बंधो चउधिगप्पो अ । पयइ-ट्ठिइ-अणुभाग-प्पएसभेएहिं नायव्यो ।।३४ ।। अणसणमणोअरिया, वित्तीसंखेवणं रसच्चाओ। . कायकिलेसो संली-णया य बज्झो तवो होइ ॥३५॥ पायच्छित्तं विणओ, वेयावच्चं तहेव सज्झाओ । झाणं उस्सग्गोऽवि अ, अम्भितरओ तवो होइ ।। ३६ ॥ पयई सहावो वुत्तो, ठिई कालावहारण । अणुभागो रसो णेओ, पएसो दलसंचओ ॥ ३७ ।। पडपडिहारऽसिमज्ज-हडचित्तकुलालभंडगारीणं । जह एएसिं भावा, कम्माणवि जाण तह भावा ।। ३८॥ इह नाणदंसणावरण-वेयमोहाउनामगोआणि । विग्धं च पण नव दु अट्ठवीस चउ तिसय दु पणविहं ॥३९।। नाणे अ दसणावरणे, वेयणिए चेव अंतराए अ । तीस कोडाकोडी, अयराणं ठिई अ उक्कोसा ॥ ४० ॥ सित्तरि कोडाकोडी, मोहणिए वीस नाम-गोएसु । तित्तीसं अयराई आउद्विइबध उक्कोसा ।। ४१ ।। बारस मुहुत्त जहन्ना, वेयणिए अट्ठ नाम गोएसु । सेसाणंतमुहुत्तं, एयं बंधट्टिईमाण ॥४२ ॥ संतपयपरूवणया, दव्वपमाणं च खित्त फुसणा य । कालो अ अंतरं भा-ग भाव अप्पाबहु चेव ।। ४३॥ संत सुद्धपयत्ता, विजंत खकुसुमंच न असंतं । मुक्खत्ति पयं तस्स उ, परूवणा मग्गणाई हिं ॥ ४४ ॥
Jain Education International
For Private & Personal Use Only
www.jainelibrary.org
