________________
मिच्छादसणवत्ती, अपच्चक्खाणा य दिहि पुट्टि य । पाडुच्चिय सामंतो-वणीअ नेसत्थि साहत्थी ॥२३॥ आणवणि विआरणिया, अणभोगा अणवकंखपच्चइया । . . अन्ना पओग समुदाण पिज्ज दोसेरियावहिया ॥ २४ ॥ समिई गुत्ती परिसह, जइधम्मो भावणा चरित्ताणि । पण ति दुवीस दस बार, पंचभेएहिं सगवन्ना ।। २५ ।। इरिया भासेसणादाणे, उच्चारे समिईसु अ । मणमुत्ती वयगुत्ती, कायगुत्ती तहेव य ॥ २६ ॥ खुहा पिवासा सी उण्हं, दंसाचेलारइथिओ । चरिया निसीहिया सिज्जा, अकोस वह जायणा ।। २७ ।। अलाभ रोग तणफासा, मल-सकार-परीसहा । पन्ना अन्नाण सम्मत्तं, इअ बावीस परीसहा ॥२८ ।। खंती मद्दव अज्जव, मुत्ती तव संजमे अ बोधव्वे । सच्चं सोअं आकिं-चणं च बंभं च जइधम्मो ॥ २९ ॥ पढममणिच्चमसरणं, संसारो एगया य अन्नत्तं । असुइत्तं आसव सं-वरोय तह णिज्जरा नवमी ॥३०॥ लोगसहावो बोही-दुलहा धम्मस्स साहगा अरिहा । एआओ भावणाओ, भावेअव्वा पयत्तेणं ॥३१ ॥ सामाइअत्थ पढम, छेओवट्ठावणं भवे चीअं । परिहारविसुद्धिअं सुहुम तह संपराय च ॥३२॥ तत्तो अ अहक्खायं, खाय सबमि जीवलोगमि । जं चरिऊण सुविहिया, वच्चंति अयरामरं ठाणं ॥ ३३ ॥
Jain Education International
For Private & Personal Use Only
www.jainelibrary.org
