Dvadasharam Naychakram Part 3 Tika

SR No.: 001110
Original Sutra Author: Mallavadi Kshamashraman
Author: Sighsuri, Jambuvijay
Publisher: Atmanand Jain Sabha
Publication Year: 1988
Total Pages: 252
Language: Sanskrit
Classification: Book_Devnagari, Nay, & Nyay
File Size: 20 MB

Page 219

९०८
प्रबन्धचतुष्टये मल्लवादिकथानकम् जइ देवी महं तुट्ठा तो तं नयचक्कपोत्थयं देसु। देवी जंपइ पढमा सिलोगओ चेव तं होही ।।२९।। पुविल्ला सविसेसं तुझं नयचक्कपोत्थयं वोच्छं । जाणाविउं च एवं संघस्स गया लहुं देवी ॥३०॥ तो मल्लचिल्लओ वि य विरईयनयचक्कमाहप्पो। लद्धजसो संघेण पवेसिओ वलहिनयरीए ।३१॥ आणाविओ य सूरी तेण वि वायाविऊण पुव्वगयं । अजियजस-जक्ख-मल्ला निवेसिया सूरिपयवीए ॥३२॥ जाया तिन्नि वि जियअन्नवाइणो पहियकित्ती।अजियजसेणविरइओ पमाणगंथो मि(नि)ओसो य॥३३॥ अजियजसो त्ति पसिद्धो इओ य मल्लेण मुणिय मालिन्नं । नियदंसणस्स तह नियगुरुपरिभवं तत्तो ॥३४।। भरुयच्छे गंतूण पन्नविओ नरवई तओ तेणं । बुद्धाणंदं सद्दाविऊण ठविया ठिई सा उ ॥३५॥ तो भणियं थेरेहिं पढमं को [जंपिही? ] मुणिउं। बुद्धाणंदो जंपइ एयस्स गुरु वि जेण मए ॥३६॥ जित्तो तो का गणणा इमम्मि बालम्मि होउ एयस्स। पढमो वाओ ति थेरसम्मए भणइ मल्लो त्ति ॥३७॥ बहुविय(ह)-वियप्प-पडिभंग-संकुलं पुत्वपक्खमइगुविलं ।।
थिर-वियडक्खर-गंभीर-भारईए दिणे छच्छ ॥३८॥ सत्तमदिवसस्संते जंपइ अणुवईय दूसऊ(उ) ताव । एयां बुद्धाणंदो त्ति वोत्तुं मोणं ठिओ मल्लो॥३९॥ तं सोउं सट्ठाणे पत्ता सव्वे वि वाइया लोया। बुद्धाणंदो वि गओ रयणीए चिंतइ जाव ॥४०॥ तं मल्लवाइभणियं वियप्पमालाडवीए ता भुल्लो। संखुद्धो हियएणं दावेउं दीवयं तत्तो ॥४१॥ उयरिगाए पविसिय टिप्पइ भित्तीए वायणाभणियं । अणुवायत्थं बहूविहवियप्पमालं तह वि मूढो ।।४२।। नो सरइ किंपि भणियं चिंतइ तो कह निवस्स अत्थाणे ।
जंपिस्समहं घोप्पेण तत्थ पंचत्तमावन्ना (न्नो) ॥४३॥ मिलिए य सभालोए रन्ना भणियं न आगओ एत्थ। बुद्धाणंदो तो तं गवेसिउं झत्ति आणेह ॥४४॥ भणियाणंतरमेव य रायभडा गवेसियं (उ) पत्ता। साहिति देव नज्जइ उस्सूरे सुत्तओ होही ॥४५॥ नो बुज्झइ सो अज्ज वि बुद्धाणंदो त्ति जंपिए राया । जंपइ भो भो कुसलं जं से दीहा इमे निद्दा ।।४६।। सम्म निरूविऊणं आगच्छह ता पुणोवि पट्टविया। ते विहु गंतुं उग्धाडिउं च बारं निहालंति ।।४७। दिट्ठो तो तत्थ मओ बुद्धाणंदो अनाय-भंग-गमो।
कर-गहिय-निबिड-सेडिय उड्ड-मुहो अद्ध-कय-लिहणो ॥४८॥ एत्थंतरम्मि मुक्का वुट्टी कुसुमाण सासणसुराहि। गयणत्थाहिं सिरि-मल्लवाइणो उवरि कहियं च ।।४९।। रायाईणं सव्वं बद्धाणंदस्स चेट्रियं तं च । नाउं पराजिओ त्ति य बुद्धाणं दरिसणं राया ॥५०॥ नीसारिउकामो विहु निवारिओ मल्लवाइणा तत्तो। भूवइणा भरुयच्छे पुणो वि आणाविओ संघो॥५१॥ सयलो वि जिणाणंदप्पमुहो सो पवेसिओ पुरे नियए । महया विच्छड्डेणं तहिं च वक्खाणिओ गंथो॥५२।। सो नयचक्कऽभिहाणो पहूहि सिरि-मल्लवाइणा एवं ।
- सिरि-वीरनाह-तित्थं फ्भाविउं विहरिउं पुहई ॥५३॥ पत्तो सुरालयम्मी अज्ज वि नयचक्क-गंथयं तमिह । विज्जइ, वाइंताण वि उवद्दवो जोयए जेण ॥५४॥
॥ छ ॥ श्री मल्लवादिकथानकं समाप्तं ॥ छ । छ ।"
इति प्रबन्धचतुष्टये श्री मल्लवादिसूरिकथानकम् ।