Page Text
________________
२०५
'कहावली'मध्ये मल्लवादिसूरिचरित्रम् वियप्पेइ य सो जावेमं निमीलियच्छो बहुभंगेहिं तावाऽविहि त्ति हिरियं तं पुत्थयं देवयाए। चिरं च वियप्पिऊणुम्मीलियच्छो तमपेच्छंतो विसण्णो मल्लो।
तहा य दट्ठ पुच्छिएणऽज्जाए साहिओ तेण सब्भावो। तीए वि समुदायस्स । सो वि नत्थि इमं पोत्थयमण्णत्थ कत्थइ, ता न सुंदरं कयं ति वोत्तुं गओ महाविसायं । तओ नयचक्कुम्माहिओ मल्लो भणइ-होहं गिरिगुहावासी वल्लभोई य नयचकं विणा अहं । सोउं चेमं खरयर [मु] देगं गओ समुदाओ 'पीडिज्जिहिसि तुममेवं वायपित्तेहिं' ति वोत्तुं लग्गो विगइपरिभोगे। तन्निबंधओ य चाउम्मासयपारणए च्चिय य तं काहं ति पवण्णपइण्णो मल्लो गंतुं वलहिपच्चासण्णगिरिहडलयडोंगरिगागुहाए ट्ठिओ तं चेवावहारियं नयचक्काइमसिलोगं ज्झायंतो। पडियग्गंति य तं तत्थेव गंतुं भत्तपाणाईहि साहवो। आराहेइ य तव-पूयाईहिं विसेसओ सुयदेवयं संघो। दिन्नोवओगा य रयणीए मलं भणइ- 'के मिट्ठा ?' तेण भणियं'वल्ला'। पुणो य गएहिं छहिं मासेहिं देवी भणइ-'केण ?' मल्लेण भणियं-'घय-गुडेणं' । तओ 'अहो मइपगरिसो' त्ति समावज्जिया देवी भणइ-'भो ! मग्गेसु समीहियं' । मल्लो भणइ'देसु नयचक्कपोत्थयं'। देवी वि 'निप्फविही तुहावहारियसिलोगा चिय पुवाओ सविसेसो नयचकगंथो' त्ति वोत्तुं जाणाविउं च तमत्थं संघस्स गया सट्ठाणं ।
___ मल्लचेल्लओ वि तहेव विरइयनयचक्कगंथो पवेसिओं वलहीए । संघेणाणाविओ जिणाणंदसूरी। तेणावि जमत्थि पुव्वगयं तं वायाविऊणाऽजियजक्खो (जस ?)जक्खेहिं सह मल्लो निवेसिओ सूरिपए। जाया य तिण्णि वि ते वाइणो। नवरं विरइओ अजियजसोवाइणा निओ पमाणगंथो वि अजियजसो वाई नाम पसिद्धों।
नाउं च दरिसणमालिन्नमूलं गुरुपरिभवं भरुयच्छे गओ मल्लवाई। पण्णविओ राया। सद्दावियो उ अणेण बुद्धाणंदो। सव्व ट्ठिया पुन्वपइण्णा । तओ भणियव्वेहिं 'को जंपिही पढम' ? बुद्धाणंदो भणइ 'जितो जग्गुरू, तस्सीसेणिमिणा बालप्प (प्पा ? )एणं मे का गणणा ? ता दिण्णो मए एयस्सेव वरायस्स अग्गे वाओ ।'
तो अणुण्णाएणं थेरपुरिसेहिं बहुवियप्पपडिवियप्पाउलमुवण्णसियमविच्छिन्नवाणीए मल्लवाइणा जा छ दिणाणि । सत्तमदिणंते 'पसेउ तावेत्तियमणुवएउं बुद्धाणंदो' त्ति वोत्तुं वच्चंति सट्टाणं रायाईया ।
बुद्धाणंदो वि गओ नियविहरियाए संभारेंतो य मल्लवाइभणियमणुवायत्थं वि भुल्लो तवियप्पाडवीए । तओ संखु द्धो हियएण सदीवो पविसिऊणोवरिगं टिप्पेइ भित्तीए तव्वियप्पमालं। तहा वि न सुमरेइ । तओ कहमणुवइस्सं ति लुप्पिएणं तत्थेव मओ बुद्धाणंदो ।
Jain Education International
For Private & Personal Use Only
www.jainelibrary.org
| SR No. | 001110 |
| Book Title | Dvadasharam Naychakram Part 3 Tika |
| Original Sutra Author | Mallavadi Kshamashraman |
| Author | Sighsuri, Jambuvijay |
| Publisher | Atmanand Jain Sabha |
| Publication Year | 1988 |
| Total Pages | 252 |
| Language | Sanskrit |
| Classification | Book_Devnagari, Nay, & Nyay |
| File Size | 20 MB |