________________
३८५ आ.श्रीजिनदासगणिविरचितचूर्णि-हरिभद्रसूरिविर०दिवृति-मल० हेमचन्द्रसूरिविर०वृत्तिभिः समेतम्
[सू० ३५४] जहा वाणमंतराणं तहा जोतिसियाणं ।
[सू० ३५५] [१] सोहम्मयदेवाणं भंते ! केमहालिया सरीरोगाहणा पन्नत्ता ? गोयमा ! दुविहा प० । तं० भवधारणिज्जा य उत्तरवेउव्विया य। तत्थ णं जा सा भवधारणिज्जा सा जहन्नेणं अंगुलस्स असंखेजइभागं, 5 उक्कोसेणं सत्त रयणीओ । तत्थ णं जा सा उत्तरवेउव्विया सा जहन्नेणं अंगुलस्स संखेजइभागं, उक्कोसेणं जोयणसतसहस्सं ।
[२] जहा सोहम्मे तहा ईसाणे कप्पे वि भाणियव्वं ।
[३] जहा सोहम्मयदेवाणं पुच्छा तहा सेसकप्पाणं देवाणं पुच्छा भाणियव्वा जाव अच्चुयकप्पो । सणंकुमारे भवधारणिजा जह० अंगु० 10 असं०, उक्कोसेणं छ रयणीओ; उत्तरवेउब्विया जहा सोहम्मे । जहा सणंकुमारे तह माहिंदे। बंभलोग-लंतएसु भवधारणिज्जा जह० अंगुल० असं०, उक्को० पंच रयणीओ; उत्तरवेउव्विया जहा सोहम्मे । महासुक्कसहस्सारेसु भवधारणिज्जा जहन्नेणं अंगु० असं०, उक्कोसेणं चत्तारि रयणीओ; उत्तरवेउव्विया जहा सोहम्मे । आणत-पाणत-आरण15 अच्चुतेसु चउसु वि भवधारणिजा जह० अंगु० असं०, उक्कोसेणं तिण्णि रयणीओ; उत्तरवेउव्विया जहा सोहम्मे ।।
[४] गेवेजयदेवाणं भंते ! केमहालिया सरीरोगाहणा पन्नत्ता ? गो० ! गेवेजगदेवाणं एगे भवधारणिजए सरीरए, से जहन्नेणं अंगुलस्स
असंखेजतिभागं, उक्कोसेणं दो रयणीओ। 20 [५] अणुत्तरोववाइयदेवाणं भंते ! केमहालिया सरीरोगाहणा
पन्नत्ता ? गोयमा ! अणुत्तरोववाइयदेवाणं एगे भवधारणिजए सरीरए, से जहन्नेणं अंगुलस्स असंखेजतिभागं, उक्कोसेणं एक्का रयणी ।
[सू० ३५६] से समासओ तिविहे पण्णत्ते । तंजहा-सूईअंगुले
Jain Education International
For Private & Personal Use Only
www.jainelibrary.org
