________________
४७७ आ.श्रीजिनदासगणिविरचितचूर्णि-हरिभद्रसूरिविर०विवृति-मल० हेमचन्द्रसूरिविर०वृत्तिभिः समेतम् पुण वड्डीरहितो त्ति कातुं वग्गो चेव ण भवति, तेण बिण्हं वग्गो चत्तारि ४, एस पढमो वग्गो । एतस्स वग्गो सोलस १६, एस बितिओ वग्गो । एतस्स वग्गो बे सता छप्पन्ना २५६, एस ततितो वग्गो । एतस्स वग्गो पण्णट्ठिसहस्साइं पंच य सयाइं छत्तीसाई ६५५३६, एस चउत्थो वग्गो । एतस्स इमो वग्गो, तंजहा- चत्तारि कोडीसता अउणत्तीसं च कोडीतो अउणावण्णं च सतसहस्साई सत्तद्धिं च सहस्साइं दो य सताई छण्णउताई, इमा ठवणा ४२९४९६७२९६, एस पंचमो वग्गो । एतस्स गाहाओ
चत्तारि य कोडिसता, अउणत्तीसं च होंति कोडीओ । अउणावण्णं लक्खा, सत्तहिँ चेव य सहस्सा ॥१॥ दो य सता छण्णउया, पंचमवग्गो समासतो होति । एतस्स कतो वग्गो, छट्ठो जो होइ तं वोच्छं ॥२॥ [ ]
तस्स पंचमवग्गस्स इमो वग्गो होति- एगं कोडाकोडीसयसहस्सं चउरासीतिं च कोडाकोडिसहस्सा चत्तारि य कोडाकोडिसता सत्तहिँ चेव कोडाकोडीओ चोतालीसं च कोडिसतसहस्सा सत्त य कोडिसहस्सा तिण्णि य सत्तरा कोडिसता पंचाणउई सतसहस्सा एक्कावण्णं च सहस्सा छच्च सता सोलसुत्तरा, इमा ठवणा१८४४६७४४०७३७०९५५१६१६, एस छट्ठो वग्गो । एतस्स गाहाओ -
लक्खं कोडाकोडीणं चउरसीतिं भवे सहस्साइं। चत्तारि य सत्तट्ठा, होति सता कोडकोडीणं ॥१॥ चोतालीसं लक्खाई, कोडीणं सत्त चेव य सहस्सा । तिन्नि सता सत्तारा, कोडीणं होति णायव्वा ॥२॥ पंचाणउई लक्खा, एक्कावण्णं भवे सहस्साई । छस्सोलसुत्तरसता य एस छट्ठो हवति वग्गो ॥३॥ [ ]
एत्थ य पंचम-छठेहिं वग्गेहिं पयोयणं, एस छट्ठो वग्गो पंचमेण वग्गेण पडुप्पाइज्जइ, पडुप्पाइए समाणे जं होइ एवइया जहण्णपदिया मणुस्सा भवंति । ते य इमे एवतिया- ७९२२८१६२५१४२६४३३७५९३५४३९५०३३६ । एवमेताइं १. चोयाल सयसहस्सा खं० ॥
Jain Education International
For Private & Personal Use Only
www.jainelibrary.org
