________________
४७६
अनुयोगद्वारसूत्रम् [ सू० ४२३] [चू० ४२३] मणुयाणं ओरालिया बद्धेल्लया सिया संखेज्जा सिया असंखेज्जा । जहण्णपदे संखेज्जा, जहण्णपदं णाम जत्थ सव्वत्थोवा मणुस्सा भवंति । आह-किं एयं ससम्मुच्छिमाणं गहणं ? अह तब्विरहिताणं ? । आयरिय आह- ससम्मुच्छिमाणं गहणं । किं कारणं ?, गब्भवक्कंतिया णिच्चकालमेव संखेज्जा, परिमितक्षेत्रवर्तित्वाद् महाकायत्वात् प्रत्येकशरीरत्वाच्च, तस्मात् सेतराणां ग्रहणं उक्कोसपदे । जहण्णपदे गब्भवक्कंतियाणं चेव केवलाणं गहणं । किं कारणं?, जेण सम्मुच्छिमाणं चतुव्वीसं मुहुत्ता अंतरं अंतोमुहुत्तं च ठिती। जहन्नपदे संखेज्जा, संखेज्ज त्ति भणिते ण णज्जति कयरम्मि संखेज्जए होज्ज ?, तेणं विसेसं करेति जहा- संखेज्जातो कोडीतो । अहवा इणमण्णं विसेसिततरं परिसंखाणं ठाणणिद्देसं पडुच्च वुच्चति- कधं ?, एक्कूणतीसं ठाणाणि । तेसिं सामयिकीए सण्णाए णिद्देसं करेति, जधा तिजमलपदस्स उवरिं चतुजमलपदस्स हेट्ठा । किं भणितं होति? अट्ठण्हं अट्ठण्हं ठाणाणं जमलपद त्ति सण्णा सामयिकी, तिन्नि जमलपदाइं समुदियाई तिजमलपदं, अहवा ततियं जमलपदं तिजमलपदं, एतस्स तिजमलपदस्स उवरिमेसु ठाणेसु वटुंति, जं भणितं चउवीसण्हं ठाणाणं उवरिं वटुंति । चत्तारि जमलपदाई चतुजमलपदं, अहवा चतुत्थं जमलपदं चतुजमलपदं । किं च तं ? बत्तीसं ठाणाई चतुजमलपदं, एतस्स चतुजमलपदस्स हेट्ठा वटुंति मणुस्सा, अन्नेहिं तिहिं ठाणेहिं ण पावंति, जति पुण बत्तीस ठाणातिं पूरंताई तो चतुजमलपदस्स उवरिं भण्णंतं, तं ण पावंति तम्हा हेट्ठा भण्णति । अहवा दोण्णि दोण्णि वग्गा जमलपदं भण्णति, छ वग्गा समुदिया तिजमलपदं, अहवा पंचम-छट्ठा वग्गा ततियं जमलपदं, अट्ठ वग्गा चत्तारि जमलपदाइं चउजमलपदं, अहवा सत्त-ऽट्ठमा वग्गा चतुत्थं जमलपदं । जेणं छण्हं वग्गाणं उवरिं वटुंति सत्तट्ठमाणं च हेट्ठा तेण तिजमलपदस्स उवरि चतुजमलपदस्स हे? त्ति भण्णंति । संखेज्जातो कोडीतो ठाणविसेसेण णियमियाओ। इयाणिं विसेसियतरं फुडं संखाणमेव णिद्दिसति, जधा- अहवण छट्ठो वग्गो पंचमवग्गपडुप्पण्णो, छ वग्गा ठविज्जति, तंजहा- एक्कस्स वग्गो एक्को, एस १. ठाणाणं जे २॥
Jain Education International
For Private & Personal Use Only
www.jainelibrary.org
