________________
अनुयोगद्वारसूत्रम् [सू० २६२-३१२]
३३३
१३
[सू० २६७] से किं तं पडिपक्खपदेणं? पडिपक्खपदेणं- णवेसु गामा-ऽऽगैर-णगर-खेड-कब्बड-मडंब-दोणमुह-पट्टणा-ऽऽसम-संवाहसन्निवेसेसु निविस्समाणेसु असिवा सिवा, अग्गी सीयलो, विसं महुरं, कल्लालघरेसु अंबिलं साउयं, जे लत्तए से अलत्तए, जे लाउए से अलाउए, जे सुंभए से कुसुभए, आलवंते विवलीयभासए । सेतं 5 पडिपक्खपदेणं।
[सू० २६८] से किं तं पाहण्णयाए ? पाहण्णयाए- असोगवणे सत्तवण्णवणे चंपकवणे चूयवणे नागवणे पुन्नागवणे उच्छुवणे दक्खवणे सालवणे। सेतं पाहण्णयाए।
[सू० २६९] से किं तं अणादियसिद्धतेणं? अणादियसिद्धतेणं- 10 धम्मत्थिकाए, अधम्मत्थिकाए, आगासत्थिकाए, जीवत्थिकाए, पोग्गलत्थिकाए, अद्धासमए। सेतंअणादियसिद्धतेणं।
[सू० २७०] से किं तं नामेणं ? नामेणं- पिउपियामहस्स नामेणं उन्नामियए। सेतं णामेणं।
[सू० २७१] से किं तं अवयवेणं? अवयवेणंसिंगी सिंही विसाणी दाढीपक्खीखुरीणही वाली। दुपय चउप्पय बहुपय णंगूली केसरी ककुही॥८३॥ परियरबंधेणभडं जाणेज्जा, महिलियं निवसणेणं। सित्थेण दोणपागं, कविं च एगाइ गाहाए॥८४॥ सेतं अवयवेणं।
[सू० २७२] से किं तं संजोगेणं? संजोगे चउव्विहे पण्णत्ते। तंजहा- 20 दव्वसंजोगे१,खेत्तसंजोगे२, कालसंजोगे ३, भावसंजोगे४।
Jain Education International
For Private & Personal Use Only
www.jainelibrary.org
