________________
કર્મરતવ નામના દ્વિતીય કર્મગ્રંથની
મૂળગાથાઓ
तह थुणिमो वीरजिणं, जह गुणठाणेसु सयलकम्माई । बंधुदओदीरणया, सत्तापत्ताणि खवियाणि ॥१॥ मिच्छे सासणमीसे, अविरयदेसे पमत्त अपमत्ते । नियट्टि अनियष्टि, सुहुमुवसम खीण सजोगिअजोगि गुणा । ॥२॥ अभिनवकम्मग्गहणं, बंधो ओहेण तत्थ वीससयं । तित्थयराहारगदुगवजं, मिच्छंमि सतरसयं ॥ 3 ॥ नरयतिग जाइथावर चउ, हुंडायवछिवट्ठनपुमिच्छं । सोलंतो इगहियसय, सासणि तिरिथीणदुहगतिगं ॥४॥ अणमझागिइसंघयणचउ, निउज्जोअ कुखगइस्थित्ति । पणवीसंतो मीसे, चउसयरि दुआउयअबंधा ॥५॥ सम्मे सगसयरि जिणाउबंधि, वइरनरतिगबियकसाया । उरलदुगंतो देसे, सत्तट्ठी तियकसायंतो ॥६॥ तेवट्टि पमत्ते सोग, अरइ अथिरदुग अजस अस्सायं । वुच्छिज्ज छच्च सत्त व, नेइ सुराउं जया निद्रं ॥७॥ गुणसट्ठि अप्पमत्ते, सुराउं बंधंतु जइ इहागच्छे । अन्नह अट्ठावन्ना, जं आहारगदुगं बंधे ॥८॥ अडवन्न अपुव्वाइंमि, निद्ददुगंतो छपन्न पणभागे । सुरदुगपणिंदि सुखगइ, तसनवउरलविणुतणुवंगा ॥ ९ ॥ समचउरनिमिणजिणवन्न, अगुरुलहुचउ छलंसि तीसंतो । चरमे छवीसबंधो हासरईकुच्छभयभेओ ॥ १० ॥ अनियट्टि भागपणगे, इगेगहीणो दुवीसविहबंधो । पुमसंजलणचउण्हं, कमेण छेओ सतर सुहुमे ॥११॥
Jain Education International
For Private & Personal Use Only
www.jainelibrary.org
