________________
૨૭
કર્મવિપાક નામના પ્રથમ કર્મગ્રંથની મૂળ ગાથાઓ
सिरि-वीर - जिणं वंदिअ, कम्मविवागं समासओ वुच्छं । कीरइ जीएण हेऊहिं, जेणं तो भन्नए "कम्मं " ॥ १ ॥ पयइ - ठिइ-रस-पएसा, तं चउहा मोअगस्स दिट्ठता । मूल-पगइट्ठ- उत्तर-पगइ - अडवन्नसयभेयं ॥ २ ॥ इह नाण- दंसणावरण- वेय- मोहाउ-नाम- गोआणि । विग्घंचपण- नव-दु-अट्ठवीस - चउतिसय-दु-पणविहं ॥ ३ ॥ मइ - सुअ- ओही -मण- केवलाणि, नाणाणि तत्थ मइनाणं । वंजणवग्गह- चउहा, मण- नयण - विणिंदियचउक्का ॥ ४ ॥
Jain Education International
अत्थुग्गह- ईहा - वाय-धारणा करणमाणसेहिं छहा । इय अट्ठवीसभेअं, चउदसहा वीसहा व सुयं ॥ ५ ॥ अक्खर - सन्नि-सम्मं, साइअं खलु सपज्जवसिअं च । गमिअं अंगपविट्ठे, सत्तवि एए सपडिवक्खा ॥ ६ ॥ पज्जय- अक्खर -पय-संघाया, पडिवत्ती तह य अणुओगो । पाहुड - पाहुड - पाहुड, -वत्थु पूव्वा य स-समासा ॥७॥ अणुगामि- वड्ढमाणय- पडिवाईयरविहा छहा ओही । रिउमइ - विउलमई, मणनाणं केवलमिगविहाणं ॥ ८ ॥ एसिं जं आवरणं, पडुव्व चक्खुस्स तं तयावरणं । दंसण चउ पण निद्दा, वित्तिसमं दंसणावरणं ॥ ९ ॥
For Private & Personal Use Only
www.jainelibrary.org
