Page Text
________________
बापंचासहमो णक्वत्तविजयज्झायो चित्तं बूया । सव्वमित्तगतेसु अणुरा, बूया । सव्वजलचरेसु अदा वा पुव्वासाढाओ वा सतविसयाओ वा बूया । तत्थ सव्वाहगते सव्वरुहोपयुत्तेसु पादुब्भावेसु अदा, आवसंपयुत्तेसु पुरिमेसु पडिरूवेसु पुव्यासाढा, सुरालायुल्ल कमच्छकपादुन्भावेसु सतविसया बूया । तत्थ सव्वदव्वगते सव्वजलगते जमलाभरणकजमलोपकरणे मिधुणचरेसु सत्तेसु जमलणक्खत्ताणि बूया । सव्वगणितगतेसु सव्वजोगगते य समणो विण्णेयो। सव्वधण-धण्णगते धणिट्ठा विण्णेया। . तत्थ पुरथिमेसु पुरथिमदाराणि बूया, दक्खिणेसु दक्खिणदाराणि बूया, पच्छिमेसु पच्छिमदाराणि बूया, । उत्तरेसु उत्तरदाराणि बूया । पुण्णामेसु पुण्णामाणि बूया, थीणामेसु थीणामाणि बूया । अतिकतेहिं अतिकताणं जोगं बूया, अणागतेसु अणागताणि जोगे बूया, वत्तमाणेसु संपतिजोगवत्तमाणाणि बूया । उसुणेसु अग्गेयेसु य सूरियपादुन्भावेसु य आदिवगताणि बूया । उवहुतेसु सम्गहाणिं बूया । अभंतरेसु जातिणक्खत्तं बूया । आदिमूलीएसु आदाणणक्खत्तं बूया । पुण्णामेसु कम्मणक्खत्तं बूया । बाहिरभंतरेसु मित्तसंबंधिणक्खत्तं बूया । बाहिरेसु परस्स णक्खत्तं बूया । पुण्णामेसु पुरिसणक्खत्तं बूया । थीणामेसु थीणक्खत्तं बूया । णपुंसएसु णपुंसकणक्खत्तं बूया । दढेसु णगरणक्खत्तं 10 बूया । पुधूसु देवणक्खत्तं । डहरचलेसु गामणक्खत्तं बूया । डहरत्थावरेसु खेडणक्खत्तं बूया । सुकेसु सुकपक्खे जुत्तं बूया। कण्हेसु कण्हपक्खे जुत्तं बूया । सुक्कसु अंतेसु पुण्णेसु य पुणिमासिणीय जुत्तं ति बूया । कण्हेसु अंतेसु तुच्छेसु चेव अवामस्साइ जुत्तं ति बूया ।
एवमाधारयितु काल-पक्ख-माण-जोगेसु आमास-सह-स्वपादुब्भावेसु जवाणिदिवाहिं उवलद्धीहिं पक्वत्ताणं जोगकालं बूया । तत्थ कुलणक्खत्तं उपकुलणक्खत्तं ति आधारिते अभंतरेसु कुलणक्खत्तं ति बूया, अभितरवाहिरेसु 15 कुलोपकुलं विष्णेयं ।
चंदमम्गातो आधारितंसि कधं एतेसिं णक्खत्ताणं अट्ठावीसाए चंदो गच्छति । एकविधं उत्तरेणं दक्खिणेणं वा, दुविधं उत्तरतो पमहणेण वा दक्खिणतो पमहणेण व ति, तिविधजोएण वा केसं उत्तरतो दक्खिणतो पमहमाणो व ति। णक्खत्ते उप्पणसि पडिरूबतो आमासतो वा दक्खिणत्तरेहिं आमासेहिं असामण्णेहिं एकविधजोगी दक्खिणेहिं दक्खिणतो चंदमसो गमणं घूया, उत्तरेहिं उत्तरेणं चंदमसो गमणं बूया । दुविधजोगीणि दक्षिणेसु मझिमसा- 20 धारणेसु उत्तरेहि य मझिमसाधारणेहिं आमासेहिं दुविधजोगीणि णक्खत्ताणि बूया। दक्षिण-उत्तर-मज्झिमाणं आमासाणं तिण्हं पि सेवणाय तिविधजोगीणि णक्खत्ताणि बूया । एक्ककोदीरणेसु सह-रूवेसु एक्कविधजोगीणि बूया, दुगोदीरणे सह-सवेसु दुविधजोगीणि बूया, तिकोदीरणे सह-रुवेसु तिविधजोगीणि बूया ।
- तत्थ सव्वसव्वोवणक्खत्ताणं णिएण णक्खत्तेण णक्खत्तसंठाणेण णक्खत्तगोत्तेण णियएण णक्खत्तकम्मोपचारेण णियएण णक्खत्तदेवएण णियएण णक्खत्तपडिरूवेणं णियएण णक्खत्तगोत्तेणं णियएणं णक्खत्तदेवताकम्मोवयारेणं चेव 28 णक्खत्तं णामतो गोत्ततो संठाणतो कुलतो गणतो कम्मतो जोगा-जोगतो चेव सव्वमणुगंतव्वं भवति ॥ - ॥ इति खलु भो ! महापुरिसदिण्णाय अंगविजाय णक्खत्तविजयो णामाज्झायो वक्खातो
भवति बापंचासतिमो र सम्मत्तो- ॥५२॥ छ ।
१ आपुस्संप है. त० ॥ २ आमासेहिं है. त• विना ॥ ३
भंग०२७
एतचिहान्तर्गत पदं है. त० नास्ति ॥
Jain Education Intemational
For Private & Personal Use Only
www.jainelibrary.org
| SR No. | 001065 |
| Book Title | Angavijja |
| Original Sutra Author | N/A |
| Author | Punyavijay, Vasudev S Agarwal, Dalsukh Malvania |
| Publisher | Prakrit Granth Parishad |
| Publication Year | 1957 |
| Total Pages | 487 |
| Language | Prakrit, Hindi |
| Classification | Book_Devnagari, Agam, Canon, Jyotish, & agam_anykaalin |
| File Size | 15 MB |