Page Text
________________
१४ पण्णासं बाहिरम्भतराणि] णवमो अंगमणी णाम अज्झाओ
अतिदूरे पविट्ठो त्ति अतिगतो त्ति व दूरत । दूरातिसरितो व त्ति दूरोगाढो त्ति वा पुणो ।। ७९९ ॥ तधा अणुपविट्ठो त्ति तथा अतिगतो त्ति वा । तधा गाढोपगूढे त्ति गाढलीणं ति वा वदे ॥ ८००॥ तधा अल्लीणमल्लीणो अञ्चल्लीणो त्ति वा वदे । अब्भंतरमंतरगो एते सहा समा भवे ॥ ८०१ ॥
अप्पविढे णक्खत्ते देवते पणिधिम्मि य । पुप्फे फले व देसे वा णगरे गामे गिहे वि वा ।। ८०२॥ पुरिसे चतुष्पदे चेव पक्खिम्मि उदकेचरे । कीडे किविल्लगे चेव परिसप्पे तधेव य ॥ ८०३ ॥ . पाणे वा भोयणे वा वि वत्ये आभरणे तधा । आसणे सयणे जाणे भंडोवगरणेसु य ॥ ८०४ ॥ .. लोहेसु यावि सव्वेसु सव्वेसु रयणेसु थ । मणीसु यावि सव्वेसु सव्वधण्ण-धणेसु य ॥ ८०५ ॥ .. एतम्मि पेक्खियामासे सहे रूवे तवेव य । सव्वमेवाणुगंतूणं ततो बूयांगचिंतओ ॥ ८०६ ॥
॥ अभंतरमंतराणि सम्मत्ताणि ॥ १३॥ छ ।
10
20
[१४ पण्णासं बाहिरभंतराणि] 'अभंतरा तु निम्मट्ठा बाहिरभंतरा तु ते । अभंतराणतरिया अध वुत्ता सुभा-ऽसुभा ॥ ८०७ ॥ अत्थलाभं जयं वद्धिं जं चऽण्णं सुभं भवे । एताणि आमसं पुच्छे बाहिरब्भंतरं वदे ।। ८०८॥ पुरिसं च परिपुच्छेज बाहिरब्भंतरं भवे । इत्थिं च परिपुच्छेज बाहिरब्भंतरा भवे ॥ ८०९ ॥ पुरिसस्सऽत्यविधं पुच्छे बाहिरब्भंतरं भवे । थिया अत्थविधं पुच्छे बाहिरब्भंतरं वदे ॥ ८१०॥ कण्णं च परिपुच्छेज बाहिरब्भंतरस्स तु । खिप्पं विजिहिति कण्णा एवं बूयांगचिंतको ॥ ८११॥ गम्भं च परिपुच्छेज अत्थि गब्भो त्ति णिहिसे । गम्भिणी परिपुच्छेज खिप्पं पुत्तं पयाहिति ।। ८१२ ॥ कम्मं च परिपुच्छेज बाहिरब्भंतरं वदे । पडिहारं संधिवालं वा तघा अत्योपणायकं ॥ ८१३ ॥ पवासं परिपुच्छेज सफलोऽयमिति णिहिसे । पउत्थं परिपुच्छेज्ज सधणो आगमिस्सति ॥ ८१४॥ बंधं च परिपुच्छेज णत्थि बंधो त्ति णिहिसे । बद्धस्स मोक्खं पुच्छेज मोक्खं तस्स वियागरे ॥ ८१५॥ भयं च परिपुच्छेज भयो णत्थि त्ति णिदिसे । खेमं च परिपुच्छेज खेममत्थि त्ति णिदिसे ॥ ८१६ ॥ संधि वा परिपुच्छेज अस्थि संधि त्ति णिदिसे । विम्गहं परिपुच्छेन्ज णत्थित्तेवं वियागरे ॥८१७ ॥ जयं च परिपुच्छेज जयो अत्थि त्ति णिहिसे । आरोग्गं परिपुच्छेज आरोग्गमिति णिदिसे ॥ ८१८ ॥ रोगं च परिपुच्छेज णत्यि रोगो त्ति णिहिसे । मरणं च जति पुच्छेज्ज णत्यि त्तेवं वियागरे ॥ ८१९ ॥ जीवितं परिपुच्छेज अस्थि त्तेवं वियागरे । आबाधितं च पुच्छेज्ज समुट्ठाणंऽस णिदिसे ॥ ८२०॥ अणावुटिं च पुच्छेज णत्थि त्तेवं वियागरे । वस्सारत्तं च पुच्छेन्ज मज्झिमो त्ति वियागरे ॥ ८२१॥ अपातयं च पुच्छेज णत्थि त्तेवं वियागरे । वासं च परिपुच्छेज मज्झिमं वासमादिसे ॥ ८२२॥ क्या वासंति वा बूया संधीदिवसेसु णिहिसे । दिवा रत्तिं ति वा बूया संझाकाले त्ति णिदिसे ॥ ८२३ ॥ सस्सस्स वापदं पुच्छे णत्थि त्तेवं वियागरे । सस्सस्स संपयं पुच्छे मज्झिमा सस्ससंपदा ।। ८२४ ॥. पहुँच परिपुच्छेज्ज लाभं तस्स वियागरे । णट्ठमाधारयित्ता य बाहिरमंतरं वदे ॥ ८२५ ॥ अन्भंतरं ति बझं ति बाहिरब्भंतरं वदे । धणं धणं ति पुच्छेज मज्झिमं ति वियागरे ॥ ८२६ ॥ जं किंचि पसत्यं तं सबमलि त्ति णिदिसे । अप्पसत्थं च ज किंचि सव्वं णत्थि त्ति णिदिसे ॥८२७॥ तथा खेत्तं तधा वत्थं खग्गं दंड मणिं तधा । सव्वं सज्जीव-णिज्जीवं मझागतमत्थि य ॥ ८२८ ॥
Jain Education Interational
For Private & Personal Use Only
www.jainelibrary.org
| SR No. | 001065 |
| Book Title | Angavijja |
| Original Sutra Author | N/A |
| Author | Punyavijay, Vasudev S Agarwal, Dalsukh Malvania |
| Publisher | Prakrit Granth Parishad |
| Publication Year | 1957 |
| Total Pages | 487 |
| Language | Prakrit, Hindi |
| Classification | Book_Devnagari, Agam, Canon, Jyotish, & agam_anykaalin |
| File Size | 15 MB |