________________
४२५
२०७०]
१-५ सीताइवेदणादाराइदारपंचगं। [सुत्ताई २०६०-६२. चउवीसदंडएसु २ दवाइवेदणादारं]
२०६०. कतिविहा णं भंते ! वेदणा पण्णता ? गोयमा ! चउविहा वेदणा पण्णता। तं जहा-दव्वओ खेत्तओ कालओ भावतो।
२०६१. णेरइया णं भंते ! किं दबओ वेदणं वेदेति जाव किं भावओ वेदणं वेदेति ? गोयमा ! दबओ वि वेदणं वेदेति जाव भावओ वि वेदणं वेदेति। ५
२०६२. एवं जाव वेमाणिया। [सुत्ताई २०६३-६५. चउवीसदंडएमु ३ सारीराइवेदणादारं]
२०६३. कतिविहा णं भंते ! वेयणा पण्णत्ता ? गोयमा ! तिविहा वेदणा पण्णता । तं जहा-सारीरा १ माणसा २ सारीरमाणसा ३।
२०६४. णेरइया णं भंते ! किं सारीरं वेदणं वेदेति माणसं वेदणं १० वेदेति सारीरमाणसं वेदणं वेदेति ? गोयमा! सारीरं पि वेयणं वेदेति, माणसं पि वेदणं वेदेति, सारीरमाणसं पि वेदणं वेदेति।
२०६५. एवं जाव वेमाणिया। णवरं एगिदिय-विगलिंदिया सारीरं वेदणं वेदेति, णो माणसं वेदणं वेदेति णो सारीरमाणसं वेयणं वेदेति ।
[सुत्ताई २०६६-६८. चउवीसदंडएसु ४ साताइवेदणादारं] १५
२०६६. कतिविहा णं भंते ! वेयणा पण्णता ? गोयमा ! तिविहा वेयणा पण्णत्ता। तं जहा-साता १ असाया २ सायासाया ३ ।
२०६७. णेरइया णं भंते ! किं सायं वेदणं वेदेति असायं वेदणं वेदेति सातासायं वेदणं वेदेति ? गोयमा ! तिविहं पि वेयणं वेदेति । २०६८. एवं सव्वजीवा जाव वेमाणिया।
२० [सुत्ताई २०६९-७१. चउवीसदंडएमु ५ दुक्खाइवेदणादारं]
२०६९. कतिविहा णं भंते ! वेयणा पण्णत्ता ? गोयमा ! तिविहा वेयणा पण्णत्ता । तं जहा-दुक्खा सुहा अदुखैमसुहा।।
२०७०. णेरइया णं भंते ! किं दुक्खं वेदणं वेदेति० पुच्छा । गोयमा ! दुक्खं पि वेदणं वेदेति, सुहं पि वेदणं वेदेति, अदुखैमसुहं पि वेदणं वेदेति। २५ १-२.क्खसु जे० ध० ॥
Jain Education International
For Private & Personal Use Only
www.jainelibrary.org
