________________
४२६
१०
पणवणात्ते पंचतीलइमे वेयणापए
२०७१. एवं जाव वेमाणिया ।
[ सुत्ताई २०७२-७६. चउवीसदंडएस ६ अब्भोवगमियाइवेयणादारं ] २०७२. कतिविहा णं भंते! वेदणा पण्णत्ता ? गोयमा ! दुविहा वेदणा पण्णत्ता । तं जहा - अब्भोवगमिया य ओवक्कमिया य ।
[ सु. २०७१
२०७३. णेरइया णं भंते! किं अब्भोवगमियं वेदणं वेदेति ओवक्कमियं वेदणं वेदेति ? गोयमा ! णो अब्भोवगमियं वेदणं वेदेंति, ओवक्कमियं वेदणं
वेदेंति ।
२०७४. एवं जाव चउरिंदिया ।
२०७५. पंचेंदियतिरिक्खजोणिया मणूसा य दुविहं पि वेदणं वेदेति । २०७६. वाणमंतर-जोइसिय- वेमाणिया जहा णेरइया (सु. २०७३ ) । [ सुत्ताई २०७७ -८४ चउवीसदंडएस ७ णिदाइवेदणादारं ] २०७७. कतिविहा णं भंते ! वेदणा पण्णत्ता ? गोयमा ! दुविहा वेयणा पण्णत्ता । तं जहा - णिदा य अणिदा य ।
२०७८. णेरइया णं भंते! किं णिदायं वेदणं वेदेंति अणिदायं वेदणं १५ वेदेंति ? गोयमा ! णिदायं पि वेदणं वेदेंति अणिदायं पिवेदणं वेदेंति । सेकेण भंते ! एवं वच्चति रइया णिदायं पि वेदणं वेदेंति अणिदायं पि वेदणं वेदेंति ? गोयमा ! णेरइया दुविहा पण्णत्ता, तं जहा - साण्णिभूया य असण्णिभूया य । तत्थ णं जे ते सण्णिभूया ते णं निदायं वेदणं वेदेंति, तत्थ णं जे ते असण्णिभूया ते णं अणिदायं वेदणं वेदेंति, सेतेणट्टेणं गोयमा ! एवं वुच्चति णेरइया निदायं २० पि वेदणं वेदेंति अणिदायं पि वेदणं वेदिति ।
Jain Education International
२०७९. एवं जाव थणियकुमारा ।
२०८०. पुढविक्काइयाणं पुच्छा । गोयमा ! णो निदायं वेदणं वेदेंति, अणिदायं वेदणं वेदेंति । से केणद्वेणं भंते! एवं वुच्चति पुढविक्काइया णो णिदायं वेदणं वेदेंति अणिदायं वेयणं वेदेंति ? गोयमा ! पुढविक्काइया सव्वे असण्णी २५ असण्णिभूतं अणिदायं वेदणं वेदेंति, सेतेणट्ठेणं गोयमा ! एवं वुञ्चति पुढविक्काइया णो णिदायं वेयणं वेदेंति, अणिदायं वेदणं वेदेंति ।
२०८१. एवं जाव चउरिंदिया ।
For Private & Personal Use Only
www.jainelibrary.org
